Foodie 生活雜誌

瞓飽起身，睇到天氣報告話明日會落雨，今日去左市內遊先。飲杯咖啡食碗烏冬醫飽肚，買張市電一日卷，上車開始一日旅程，一直都想喺旅行時買個one day pass，上架車漫無目的地，見到邊度啱就落車，上上落落睇下個城市，今次終於做到。經環狀線去左中島公園，藻岩山山頂。原本想去的圖書館無開，行下食下，一日好快就過去，真寫意。

朝早喺酒店附近散步，見到呢間標榜用北海道出產的鮮奶做咖啡，即管又飲杯奶啡，結果係不負啡店本心，杯啡只飲到奶味😆

COVID好似完結左(？)但其實處處留痕

烏冬午餐

買張一日乘車卷，任意上落。電車正價一次上落要200yen，而家一張票500yen可坐足一日，非常抵買。落車比錢時直接向司機買票就得

先去中島公園，我好鍾意行公園，因為我喜歡大片大片的草地及不同形態的樹木。公園內有日本庭園、可供划艇的小湖、歷史建築、體育館及文化廳，好大。

豐平館，從前天皇下榻的酒店，而家變左展覽館，要比錢，我無入

日本庭園，紅葉季節會好靚

好多人來影相，結婚新人、cosplay少女都有

今次九月到來，紫藤已過紅葉未到，所以我努力發揮自己的想像力，幻想紅葉景象

幻想成真！

公園散發閒適氛圍，躲避陽光瞓晏覺的慵懶水鴨。

紫藤花棚，滿開一定好靚❤️

下一站，藻岩山。落車後跟住指示牌行就得，經過見到有shuttle bus 站，以為有免費車坐，原來平日要晚上5:30後至有。因為藻岩山係睇夜景的名勝

喜歡坐纜車

纜車分兩部分，一段係鋼纜，一段係路軌

先坐鋼纜段

心曠神怡

中間轉車點，一定有的紀念品小店

外面有行山徑

再坐第二段

到山頂站

日本人好鍾意行山，佢哋叫爬山，平日睇雜誌已見到登山客的裝備好優良，但估唔到休息站都做得咁好，休息室、更衣室，連洗鞋的地方都有，勁👍🏻

好悪的烏鴉

呢期興爬富士山，我行藻岩山，差幾千米，差不多啫😆😆

睇景係必須的

有戀人之聖地，入鄉隨俗😝😝

落山了，再來幻想夜景😁😁

繼續遊電車河，環狀線個圈好大，似輕鐵，好多站都遠離市中心，可以感受下日本人的生活氣息

跟住介紹去flower flower 食花束型crepe，原來喺大丸百貨入面food court 內，同我想像的環境有出入，只係啱打咭的出品

食完tea就shopping ，之後晚餐，拍檔唔食牛，改食羊，又好食喎👍🏻