Foodie 生活雜誌

今日係移動日，從昆明到普洱，全程六個鐘，所以早早就出發。旅程正式開始，今個旅程全程包車，早餐後司機超哥來接，今次旅程就靠哂佢。

超哥知我地喜歡飲咖啡，先帶我地去抚仙湖附近飲咖啡，咖啡店喺民宿區，佈置舒適風景靚，仲係網紅餐廳，結果玩足兩個幾鐘至再出發。沿路行高速，道路設計同國際睇齊，好似有中文字的日本高速。

中途的休息站又大整潔，周遭的人友善文明，比起我幾年前去廣東省行高速又進步了。

因為我地喺咖啡店玩得太耐，午餐只能喺休息站解決。終於喺太陽落山前去到茶山上的酒店，景色美麗，食完晚餐，欣賞雲海後就瞓覺了。

酒店樓下好多小檔攤，仲有香港久違了的即炸油炸鬼，買左一堆上樓食

超哥準時到達，國產七人車，內籠較細，我地一行四人，放兩大一中一小喼，剛剛好。

上車無耐就落雨了。今次的行程好好彩，好多落雨的時候都喺車上

小城名稱

半山上全部都係民宿

先去飲咖啡，咖啡店喺撫仙湖旅遊區內的半山民宿，景色靚，佈置小清新，非常relax。

有哂影相位，不過要比錢或幫襯某個數至可入內。仲有專人幫你搞埋形象，好多人請埋攝影師來影相，

當然要來一杯咖啡。面對撫仙湖，雲南容量最大的湖泊，聽講曾發現湖下有古城，但之後不了了之。

離開時順路參觀左其中一間，簡直唔相信自己喺大陸

唔經唔覺居然hea 左兩粒鐘，上高速開始長途車，道路又濶又靚，指示牌清晰

中途休息站乾淨企理，有餐廳，又有小店買手信，外面仲有生果檔，洗手間完全無一絲氣味，仲要好乾爽

超哥買左芒果請我地食，兩蚊人仔大大個，又香又甜，即買即切。

午餐喺另一個休息站，求其食碗米線，勁多油，我撇左半杯油出來

終於到酒店，酒店喺茶山上，衫茶山的梯田環抱，一片綠油油，心曠神怡

坐車仔去酒店房，之後再分享

晚餐於酒店內搞掂，食當地菜，土雞窩的雞好鞋，牛肉鍋的牛肉等來等去都未上，原來一早已喺窩內，真係唔同地方唔同食法😅

晚上有星空同雲海相伴，酒店值回票價