Foodie 生活雜誌

今日開始三日兩夜温泉之旅。好耐無去旅行，技能生疏哂，功課做唔足。好似坐JR，只記得喺香港訂定個JR pass ，完全忘記左予約席呢樣嘢，直至confirm 時間至記得，好彩做得切。之後又忘記睇清楚接駁巴士時間，結果又呆等一個鐘，而且真係唔認老唔得，反應慢半拍又無記性，好多時要confirm再confirm，真頭痕。

我有旅遊緊張症，好似今日，揀左九點十分早車出發，因為要寄行李及酒店check out，所以倒屎咁早六點已起身，結果八點已去到大阪站。從大阪到湯村温泉要喺八鹿站轉巴士，等左一個鐘，其實若做足功課，坐下一班JR就可無縫交接，唔使等咁耐，又可以瞓多點。

坐左一小時巴士，千山萬水，由大阪到湯村温泉，一共用左七個鐘，耐過香港坐機去大阪。其實可以喺大阪站坐直通巴士，三個半鐘就到，但我慳錢用JR Pass至係咁行。一來到立即揾食，湯村温泉係喺城崎温泉附近的另一個温泉鄉，屬小家碧玉型，有温泉街、日歸温泉及温泉樂園，我見遊客以本地人為主，太后來到覺得好舒服，仲心情好到買左幾隻蛋玩烚温泉蛋。逛完一圈就去酒店check in，浸温泉享受晚餐，一洗之前多日的勞累。

太后同朋友仔講會去大阪，朋友仔叫佢必食七仔三文治，話非常好味，我無出聲，每日都帶佢去揀，其實佢一向喜歡熱食，點會食雪左的三文治？不過佢呢d後生喜歡聽朋友講，我講點會聽？結果佢每次就企喺櫃前望好耐，最後全個旅程都無食過🤣

買左JR pass ，坐JR 去

八鹿車站，好靜，無人。

轉巴士，要坐粒幾鐘，巴士1450yen，旁邊有出租的士公司，坐的士要16000yen

時間表，好少班次

直車由湯村温泉去大阪的時間，若大阪過來就要自己查了🙏🏻

搭三十幾個站，感謝駕駛員為太后準備電話卡，等佢可以睇u two解悶，佢笑到卡卡聲，唔知睇乜。

寧靚的湯村溫泉鄉

附近都幾多景點可以行下，不過帶住太后就無謂了。

去到湯村已經兩點，剛剛過左午飯時間，好多店都午休，揾到呢間餐廳仲開，但下午茶只供應甜品，即時晴天pig pig，太后點可以食甜品做午餐？最後餐廳好好，幫我地做左個三文治，好好味喎

見到每張枱上都有好靚的插畫，一問之下，原來係好心地侍應畫的，真有才華

荒湯

太后居然話買雞蛋，小的喜出望外，因為佢終於有興致

烚雞蛋

河邊幾多人浸足湯

小街內有cafe，仲有午餐供應到5點……當然係你食完飯至揾到

呢間店幾有趣，用一個90歲仍充滿活力的婆婆做代言人

附近都有不同足湯

藥師湯，可以來日歸温泉

狗狗都有温泉屋

另一個温泉樂園，若自駕去城崎溫泉無嘢做，可以過來玩下。

今晚住呢間温泉旅館