Foodie 生活雜誌

Day 4 （大阪 - 近江八幡 - 大阪）

經過前日花園吊車摸門釘，昨日下雨，今日終於先雨後晴，開心地去近江八幡及附近的甜品工塲玩，今日行左好多路，先行近江八幡的水鄉，呢d對太后全不吸引，所以我一早已準備去埋附近的年輪蛋糕工廠。不過從水鄉行去工廠要成二十分鐘，對太后來講係負擔。工廠以南法鄉郊村莊設計，佔地好大，感覺童話。太后行下食下都幾開心，

之後回到酒店太后已筋疲力盡，求其喺附近超市買嘢食當晚餐。我自己去揾食，食左個中價omakase。難得今日太后都開心話要影相，點知我夜晚喺過相的過程中delete哂全日的相😱超級沮喪，心情極差，望住個電話欲哭無淚，覺得明星的陳年裸照都delete 唔到，我無理由揾唔番d相，回來照朋友的建議再試下。

後記 ： 結果真係攞唔番d相😭😭

太后安慰人的方法好另類，話說佢見我心情極差，以非常同情的眼光望住我及安慰的語氣講 : 「唔好唔開心啦，因住聽日的相都無埋~」

我只能叫佢喺今日剩餘的時間唔好再同我講嘢🤯

年輪蛋糕工廠

Omakase