Foodie 生活雜誌

8/2021光顧

意大利餐廳加酒吧，環境幾舒服，有露台位，唔食飯都可以飲杯嘢chill 下。食物味道不俗，午餐幾抵食。若以食物計，未必吸引到我再來。但餐廳的服務卻令我窩心。話說幫襯當日落好大雨，我無帶傘，淋到濕晒，上到去餐廳侍應立即接左我滴水的風褸幫我放後欄掛起晾乾，再比暖水及紙巾，好細心。為咗呢個優質服務，我唔介意再來。

caesar salad 以跟餐沙律來講，算大盤。基本的romain 煙肉碎麵包粒以外再加上銀魚柳及煙沙甸，好足料。沙律dressing份量剛好，撈得幾好食

青口蟹肉意粉 青口連殼，雖然嫩口但覺得有點過生。彈牙意粉上鋪上蟹肉及意大利青瓜碎，醬汁輕盈，清清地，不俗。

原本點餐加$10 有Gelato ，但我喜歡堤拉米蘇，所以散點。堤拉米蘇好大杯，但過濕，無乜酒味，而面頭的朱古力脆脆有畫蛇添足之感，咬到我口軟。

套餐包咖啡

餐廳喺商廈二樓，一般西餐廳裝修，特別在有個露台同酒吧，可以來飲番杯都得。

露台位，當日太大雨，只能隔住門影

呢個位有簾間開，可享受點點私隱

後欄有個露天位，可包場

侍應自動波送上暖水，飲完個心都暖哂👍🏻