Foodie 生活雜誌

晨早起床，已經見到好客友善的狗狗lucy來了，小朋友同lucy 瞬速建立友誼，玩得不亦樂乎，我就趁先生太太煮早餐時(港傭負責玩😜），趁機在農莊四圍參觀。屋主過來打招呼，話喺農莊附近可以見到野生動物如袋鼠、鴕鳥等，咁大家食完早餐就出發，Lucy都跟住來。點知行極都唔見有動物，雖然我都明白野生動物唔係企喺度等你，但屋主介紹得，應該係農塲之類（後來至知原來屋主介紹的係Greenough Wildlife and bird park)，愈行愈唔對路，諗住放棄，但見lucy好似想帶我地去某地方，成班人就跟佢行。行行重行行，真係純粹跟住lucy，見路就行，感覺自在。原來lucy帶我地去海邊睇浪！後來屋主話個海灘就叫lucy’s beach ! 洶湧的海浪配合藍天白雲，一幅美麗的動畫，大家都忍唔住停下來靜心欣賞，Lucy亦急不及待跳落水玩。到離開時，lucy帶路行先，佢見先生影相影到唔捨得走，居然回頭吠住叫先生離開，非常懂性的狗狗。之後駕車出市區午餐。餐後去公園玩下就回農莊煮晚飯，簡單一天。

早上於農莊閒逛。

狗狗可能喜歡同小朋友玩，一早已經來守候

小狗與小孩，玩得不亦樂乎

兩隻電兔搞到lucy都頂唔住要休息

出發去揾野生動物，lucy 帶路，一馬當先

少見的植物

行行重行行，大家跟住lucy就係

原來帶我地來沙灘！佢好興奮

呢區係鮑魚繁殖區，大大個牌寫住唔準撈捕

超大浪，好壯觀

好大膽的小老闆，我驚過佢

沙灘上的肉肉植物

非常友善可愛的lucy，係農莊的明星，留言簿上好多留言都提到佢個名

少爺仔 : Lucy, 帶我回家吧

往市區午餐，因為過左午餐時間，想食的店都關門了。好多cafe三點關門

最後去海邊餐廳，幾有規模，原來係連鎖店，之後喺幾個大鎮都見到

食物不俗，當然唔少得小博士喜愛的漢堡

經過海邊公園，見到呢個由軟管組成的攀爬設施，港傭已經忍唔住跑去玩。無錯，係我跑，因為我好喜歡玩不同類型的公園設施，尤其見到未見過的設計更興奮

晚餐繼續由先生太太主理屋主送來兩隻龍蝦，話雪櫃太多食唔哂，原來Geraldton 係龍蝦出口鎮，屋主好好，幫我地煮埋，太太好心機地拆埋肉，可惜因爲雪藏關係，毫不彈牙，肉質太腍，同昨日食的差天共地，可能撈沙律醬夾麵包會好d

除左龍蝦，仲有牛扒同蔬菜焗雞翼，一大盤，有菜有肉，好方便