Foodie 生活雜誌

(日本蠔 頗鮮甜)

4/2018光顧

睇見推介話鰻魚飯出色，其他食物水準亦不錯，咁啱朋友想食日本菜，一於試下。打開餐牌已有點失望，完全係港式日菜的例牌，叫侍應介紹，佢推介我千二蚊起跳的omakase ，我當然唔會落搭，呢個格局我真係比唔落手，勉強點左幾款食品，食物質素唔差，但絶對唔值呢個價錢，朋友當機立斷叫埋單止蝕，轉場去食串燒。

題外話  : 多得朋友們的厚愛，見我分享咁多食後感，以為我一定好識食，所以好多時同我去食飯都由我作主選地方，亦會期待食到好嘢。我真係要澄清一下，其實我只係喜歡食，四圍試，唔係為左要寫文出post，因為喺未有社交平台以前我已經有呢個習慣。我喜歡周圍試菜，人多又可以點多d，所以多謝眾多好友成全，陪我一齊食，一齊伏。但咪再對我選的餐廳有不必要的期望🙏🏻🙏🏻😅

燒明太子

八點刺身拼盤 刺身新鮮，但放在冰上我就麻麻地喜歡

自家浸梅酒香甜，酒味淡薄，啱女士飲

燒牛舌 唔夠厚，稍嫌油膩

九州冰鎮番茄 唔知點解每次侍應都會堆介冰鎮番茄或番茄沙律，我又每次都會點，之後又每次都呻笨，唔明點解要咁貴食一個喺超市都買到的番茄，包括今次

燒雞翼，燒金針菜係送的

鰻魚飯 餐廳名物，鰻魚唔香唔肥，蒸得太稔，帶點泥味，唔知點解要加蛋絲，似食便當。似乎香港都好難揾到合心水的鰻魚飯