伊根町,京都府北部的海邊小漁村,無火車站,要靠巴士或自駕到來,可能因為交通不便,遊客唔多,有點與世無爭的感覺。從天橋立坐一小時巴士入來,沿途上車落車的都係老人家。漁村小小的,只有二百多間舟屋,沿海而建,村內無便利店,只有小型士多,數間餐廳,一個道之駅、小小清酒廠、神社等,睇落幾豐富,實際上就算慢慢行,最多一小時都應該逛完。由於開始致力推動當地旅遊,新近落成幾間舟屋,命名為「舟屋日和」,今年4月開幕,內有餐廳及咖啡室,旅遊中心等,伊根灣遲下應該會變得好熱鬧。好多遊客會連同天橋立作一天遊。但我就選擇停留一晚,住進舟屋感受地道風情,今篇先分享伊根趴趴走。
從天橋立坐巴士到伊根站約一小時,巴士班次疏,假期與平日運行時間不同,出發前記得查清楚
巴士資料 :
http://www.tankai.jp/rosen.html
落車後跟舟屋主人約好,放下行李後就開始漫步伊根灣。
伊根灣背山面海,舟屋沿海而建
海水極清
紅鱲魚一夜干
經過魚市場,靜靜的,原來漁船的出海時間係晨早四點幾,下午都休息了
肚餓,先去揾食,之前揾資料時都唔覺有特別的餐廳,於是順路去道之駅。要行條長樓梯
生平第一次用雙腳行去道之駅。道之駅建於山上,亦係一個展望台
天氣好好,盡覽景色
久未修剪的心心樹
站內有兩間食店,一間係比較著明的油屋,另一間在樓上,決定食景唔食味,唔知點解對伊根的食物無期望。坐在半露天座位,以景伴食。
汁煮魚餐
刺身丼餐
午餐後於小村閒晃,非常寧靜。
午餐後於小村閒晃,村內提供免費單車,沿路有幾個還車點,好方便,不過車輛數量唔多。可惜團友唔識踩,否則可以去更遠。我自娛踩左一小段,吹住海風踩單車,真係爽YY.
慵懶的小貓
街道小裝飾
酒廠外的松,似一隻帆船
幾乎每間舟屋都有一隻漁船,就似私家車
留言列表