2023 東京箱根遊遊記Day 1 @ Foodie 生活雜誌

好耐無試過披星戴月的出發，駕駛員仍然做駕駛員，不過因為今次係姊妹淘旅行團，所以駕駛員只限香港部份接送了。去日本通常坐九點零十點的機，過到去兩點幾，仲有大半日，時間好似幾好使，但就要好早起身，加上我有旅行緊張症，結果成晚無乜點瞓。最理想應該係十一點零鐘機，去到酒店check in 後食晚飯再番酒店反而仲舒服。

今次試左包車機場來回接送，點對點到酒店，唔使抬行李唔使迫火車，舒舒服服爽YY，年紀大左就係用錢買享受。因為所謂的飛機餐原來只係一個沙爹牛肉包，朋友唔食牛，到達後已餓到手軟腳軟，settle down 後諗住食個tea，點知原來平日五點幾想食個tea都仍然要排隊，又一次疑惑係咪咁多人都唔使做？最後去星乃珈琲屋排左一陣，可能太肚餓，朋友仔話好好食👍🏻

食完四圍行下，今次住銀座附近，大把靚嘢睇，齋window shopping都好正，日本的設計總係啱我心水👍🏻

晚餐食串燒，話說之前叫左朋友幫忙訂位，去到餐廳，侍應話我無訂位，不過有位可照坐，咁我以為朋友搞錯，照坐底食。點知食左一半，朋友what’s app問我點解無去，我大驚之下至知原來我入錯左樓下嗰間😱於是立即去樓上原本訂左位的店賠罪，並打算埋單過去食，不過侍應話「大咗bu」，所以我都算了，真係對唔住餐廳同朋友呢。