plan行程時,睇來睇去都揾唔到有興趣的景點,決定選間民宿住下,呢間山小屋的晚餐好出名,加上好耐無住過民宿,再體驗下。民宿位於南阿蘇的山上,並唔偏遠,就在馬路旁,不過鄉下地方好少人,仍能保持寧靜。小屋兩旁都係民宿,又有咖啡店及小商店,似一條小村落。民宿包一泊兩食,餐點精美可口,製作用心 (下篇分享),共用衛浴,地方清潔,贈送附近温泉中心入場券,民宿主人英語流利,好滿意的入住經驗。入住呢類民宿最重要係自律,保持安靜及清潔。當晚除左我地四人,仲有兩個家庭入住,難得小朋友都能夠保持安靜,好感謝。
資訊 :
森のキッチン 山小屋 Holahoo (一泊兩食)
地址 : 熊本県阿蘇郡南阿蘇村河陽4635-6
電話 : 0967-67-2008
小屋分兩層,入屋在玄關除鞋換拖鞋。樓下有兩個浴室同洗手間
小朋友房,有圖書有玩具,加上可愛吊燈佈置,滿滿的北歐feel
餐廳,早晚餐的地方
非用餐時段亦提供茶水
有飲品機,氣水控萬歲
樓上係7間客房,公共洗面所及洗手間
有男女厠各一,四個洗面盆,有風筒,牙刷牙膏自備。地方長時間保持清潔,自己用完亦自動自覺清理好,抹乾枱面水滴
房間細小簡單,被褥舒適
晚上點上燈光,好一間温暖小屋
我地晚上散步睇星星時經過見到小屋對面的草地set 起camp firre,原來當晚入住的兩個家庭辦營火會,我地行過去八卦下點解小朋友唔使番學,原來日本的小朋友春天時會放假三星期,真幸福。見佢地飯後喺在火堆旁圍埋傾下偈,好温馨。
小屋廚房提供簡單茶點,要另外預訂,詳情請自行上官網查詢
習慣行程馬不停蹄的人,可能會覺得小屋附近無景點,無嘢玩。其實通常入住民宿的都係本地人居多,佢地在附近參加當地的見學班,又或者去公園玩下就ok,我自己都喜歡去到再發掘當地景點,邊走邊看。
旅館附送温泉中心入場券,飯前去浸下,好舒服
民宿所在地似一條小村落,入面有其他民宿、咖啡店,亦有民居
德國風咖啡店,賣自家製年輪蛋糕及木偶
一直走入去,行幾分鐘後就可以眺望群山,其寶晚上抬頭己經係滿天星
留言列表