牆身紅彤彤的地鋪非常吸睛，餐牌的菜色亦好吸引，我諗住簡單食一餐，求其點左一飯一麵一甜品，收費非常進取，若唔係開飯網有特價，我絶對唔捨得食。
生牛肉雜錦湯河
湯頭濃郁，除左好靭的黑栢葉，其他配料都唔錯，自家製的河粉質地軟糯，不俗的一碗河粉。
題外話 : 如今喺香港食飯成日有「唔值」的感覺。唔係話比唔起，只係覺得唔值，而家食碗有點質素的粉麵都要過百，拉麵如是，台灣紅燒牛肉麵如是，就如呢碗越南河粉都係，食碗車仔麵都六七十蚊，真係幾無癮。
越式香茅豬肉飯 伴特色蛋餅
食完呢個飯後，我就決定唔再回頭。份量少，所謂豬扒係乾爭爭的豬肉，所謂特色蛋餅係雞蛋蒸肉餅，food court 一樣的碟頭飯收過百元，只能望飯輕嘆
凍越南百分百甘蔗汁配鹹柑桔
我一向唔喜歡呢類飲品，只鍾意個樽，但對家話味道ok
原隻芒果牛角窩夫配自家製椰子雪糕
芒果切到一pat咁，法官大人，我無嘢講
居然有人唱live，幾特別。
餐廳外表好搶眼，似會安古城的餐廳，估唔到會有露台位
文章標籤
全站熱搜
香港食食食 (25)