Foodie 生活雜誌

4/2023 光顧

動線轉到港島東，要儲番幾間心水店，只能慢慢遂間試，今次試食粥。餐廳出名貴妃雞生滾粥，用瓦煲上，加埋炸两及飲品，一個$62蚊的早餐，當午餐食都算抵食。餐廳有小菜提供，之後帶左喜歡食茶餐廳的食友來，我好少食茶餐廳，但食過兩餐都覺得ok，暫時可列入安全店。

 

貴妃雞生滾粥

粥底夠綿，但稀左d，雞件大小適中，雞肉頗滑又帶點雞味，食完唔口渴，唔錯。

炸两

望落幾靚仔，腸粉薄身，但油炸鬼頭尾稍嫌炸得有點硬，係中間部分至有質感，質量普通的炸兩，但已算係中等了。而家好多店的出品都好難食的。

酥炸大腸

炸得香日脆身，唔會乾爭爭，最好係細細碟，二人份剛好

欖菜四季豆

四季豆無走油，不過茶餐廳唔好要求咁多。而且無咁油膩，平時晚餐就剛好，味道都唔錯。

貴妃雞蠔生滾粥

蠔件太生，食落水汪汪，同個粥唔夾，下次點豬潤好了。

餐廳細細，除左粥品，仲有麵食及小菜提供，一般茶記三文治早餐都有。班侍應呀姐好有禮貌👍🏻