3/2021光顧
又係韓劇後遺症。睇到劇中人成日飲一種奶白色的酒，好似好好飲，原來叫馬格利，即係韓國米酒，朋友介紹話呢間餐廳有新鮮的生酒，所以去試下。餐廳似韓式居酒屋，幾熱鬧，我醉翁之意只在酒，一去到就急急打開drink list，真係好多選擇，之後點左幾樣小菜，出品普通，韓食口味偏重，間中食下好了。
米酒用水壺同碗裝住飲，好有feel。呢枝生米酒，介紹話新鮮釀，保存期得兩星期，我飲落同喺數字屋買廿零蚊支的差不多，不過係多點氣，呢度係五倍價錢。
朋友喺韓國飲過呢枝好飲，佢話韓國賣$70，係咁勸我唔好買，話通關後去韓國抬番來比我，佢講到咁，加上試完之前的生酒，我決定等！
豬手 唔夠juicy之餘更有點乾
辣豆腐湯 好味但愈食愈咸，不過我知韓國正宗口味係咁，第時會學下自己整
炒年糕 我覺得似煎腸粉，完全無煙靭感，麻麻
地方細細，好有氣氛，當晚坐左好多不同國籍的人，仲有幾個韓國大叔，增加地道感。最唔地道係侍應生，唔係韓國人，而且全部講英文😜
文章標籤
全站熱搜
香港食食食 (25)