IMG_4062.JPG

 

經過第一日的轉機日,第二日的休息日,第三日終於展開旅程。早上先喺農莊行個圈,接觸大自然,之後就出城去藝術館同圖書館。當初睇ARoS Aarhus art museum 的資料係被佢屋頂的彩虹走廊所吸引,對藝術毫無認識的我,諗住喺藝術館行兩行,扮下文藝中年就走,點知原來展館又幾多嘢睇,仲要唔小心帶左兩位少爺入色情展館,笑死左(詳情請看內文),結果唔小心又無左半日。

 

租屋的好處係有廚房,早餐可以來一碗湯通粉

 

IMG_4049.JPG

 

農莊在住宅區的外圍,有菜田,雞鴨羊豬欄,仲有養蜂箱,每樣有dd,應該係自給自足,共享資源的概念,不過眼見規模較細,可能仍在發展中。相中係鴨棚同蜂箱的所在地,不過鴨仔見到我就走,我見到蜜蜂就走,所以只影到個草地,草地在水池邊,對面係菜田同豬羊屋企。

 

IMG_4050.JPG

 

一片大菜田,種左粟米、蔥、羽衣甘藍等日常食用蔬菜。

 

IMG_4051.JPG

 

農莊大,不過對當地人來講,佢地覺得每個地方距離都唔遠,每次話近的地方我都行到腳遠,可能同佢地對腳長有關。但對於呢對哈比人,更加遠。

 

IMG_4052.JPG

 

到訪山羊的家

 

IMG_4053.JPG

 

行過羊欄,正在介紹比小朋友,有村民路過,佢叫我地入去羊欄玩,只要緊記出來時關門就好。趁呢個機會亦教小朋友,去旅行時不妨主動同當地人溝通,發掘趣味,不過最緊要守規則,做個好的旅遊人。我大唔透,帶領小朋友同羊仔玩。

 

IMG_4054.JPG

 

村莊中間有社區會堂、有機食物用品商店,不過我行左四日都無見過有人,可能太早😅

 

IMG_4055.JPG

 

小朋友旅行,未必一定要去樂園,我要求少爺仔影六種不同的花果,一來可以比佢有細藝,二來都想佢藉此留意下四周的環境,佢好用心影呢。我之前比左部舊相機少爺仔,鼓勵佢旅行時影低自己喜歡的影像,我地再一齊分享,因為影像都係表達自己的一種方法,我希望從照片中了解佢睇嘢的角度。

 

IMG_4056.JPG

 

正打算番大屋準備外出時,發現池塘邊有個大彈床,大人細路都脫鞋上去玩左一陣,笑聲震天,大人怕傷筋骨,玩一陣就停,小朋友玩到唔捨得走,年輕真好。

 

IMG_4057.JPG

 

終於起行去藝術館,到達時已經中午,藝術館好易認,見到屋頂個彩虹環就係

 

IMG_4058.JPG

 

藝術館正門,設有室外付費停車場

 

IMG_4059.JPG

 

午餐時間,當然先醫肚,餐廳有好多植物點綴,感覺清新

 

IMG_4060.JPG

 

IKEA feel餐飲,食物認真麻麻,就算我點個chef selection 都無補於事 (左邊大圖)

 

IMG_4061.JPG

 

餐後第一個參觀的展品當然係彩虹走廊,咪睇好似好靚,其實大熱天時,太陽哂到入面好焗

 

IMG_4062.JPG

 

屋頂晀望Aarhus市中心

 

IMG_4063.JPG

 

天台公園

 

IMG_4064.JPG

 

少爺仔同老闆仔當然無興趣,睇兩睇就食雪條。兩位食緊的係接骨木花味雪條,丹麥好多接骨木花味食品,接骨木花喺歐洲人的民間藥方,其中一個用處係預防感冒,味道清甜,所以喺呢個旅程中我地係咁揾接骨木花的產品,可惜呢支雪條只喺呢度出現過,之後都遇唔到了。

 

IMG_4065.JPG

 

藝術館內望

 

IMG_4066.JPG

 

地下仲有一層

 

IMG_4067.JPG

 

展館入口的作品 portable cities Aarhus,用衣服碎料做成的城市,有埋藝術館的造型,好精緻,展品放在行李喼上,名乎其實的portable cities ,注意,藝術家係中國人呢

 

IMG_4068.JPG

 

館內每個樓層都有一個展館,展覽不同主題的藝術。先睇 human nature : 以多個主題表達藝術與人類的關係,藝術展品歴史橫跨二百年,睇完好似經歴左一個藝術時光之旅

 

IMG_4069.JPG

 

Art and Porn 呢個展覽真搞笑,話說我帶住少爺仔同老闆仔一齊入館,入去之前太太已提醒我展品有色情成份,怪只怪自己唔識個Porn字,入到去見到展品大吃一驚,唯有拖住兩條友急急腳離開,其間為免佢地四圍望,係咁叫佢地望地下,不過途中難免抬高頭睇,只聽到二人係咁好似三眼仔咁發出 wow...wah...的聲音,我更加急步拉住佢地走,諗起都搞笑。將兩位交番比佢地父母之後,我當然再入去睇,真係大開眼界👍🏻

 

IMG_4070.JPG

 

Far from home 老闆仔係MARVEL迷,猛咁叫話要陪我入呢個館,以為佢咁有藝術細胞,原來佢以為館內播緊spiderman 最新嗰套far from home 決戰千里,笑死我。

 

IMG_4071.JPG

 

其實展館內有著名的藝術品 Boy,一個高4.5米,像真度高的男孩雕塑作品。

 

IMG_4072.JPG

 

5 1/2 樓,令我想起Harry Porter 9 3/4 月台

 

IMG_4073.JPG

 

最低層的展館主題 : Tomorrow is the question 想起香港的問題,令我對題目無限唏噓。幾位小朋友當然係拿拿聲開始打乒乓波。

 

IMG_4074.JPG

 

Teamlab近年大熱,連丹麥都見到佢踪影

 

IMG_4075.JPG

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

全站熱搜

Hearoom 發表在 痞客邦 留言(0) 人氣()