Foodie 生活雜誌

作為晨型人，諗住趁朝早無乜人，自己去行埋昨日未行完的城牆及堡壘fort lovrijenac。因為買左Dubrovnik pass，諗住可以無限次進出景點，我實在太天真，結果無得再上城牆之餘，仲因為我一早自己上左fort lovrijenac，無得再同團友一齊上，結果要一條友喺下面呆等。

之後去左屋主介紹的Lokrum island，喺古城坐十五分鐘船就到。島上有好多孔雀，又有個天然洞穴浴場，幾特別，我第一次見孔雀喺我面前飛過！個島好細，行左兩三個鐘後返古城，食完晚餐又一日了。

今早行另一條路去古城，一早車少人少，好舒服

未有人的景點，好舒服。不過當日唔小心跣低，坐正一堆疑似嘔吐物上，搞左一餐😖

外國人都興旅拍

上城堡要行一條長長的樓梯，城堡每日只開到三點，晚上好多時會舉行event，好似今日咁，工作人員一早已開始set up塲地，見工人搬住咁重的器材行條長樓梯，真係寫個服字

一個人的城堡

原來一早的光源影出來的相唔靚

晏少少已經唔同哂。陽光灑落，海水變得碧綠通透，好靚

回到古城至知原來無得重覆進入城牆，就喺城內蹓躂，朝早靜靜地，另有一番風味

養眼的風景😍

民宿單位。古城內好多民宿出租，不過一想到要攞住行李行窄巷樓梯，加上車唔入得，完全不作考慮。

喺城內四圍貢，見到有門就入去裝下

大大隻字No tourist ，應該係全世界居於熱門旅遊點內居民的煩惱

原來門外係城牆腳下的岩石群，當地居民的天然浴場

行到咁上下，團友們來到古城了，先食早餐

之後佢地上城堡，我一人在下面痴痴地等，幫佢地遠距離影合照

團友即時傳來的靚相，藍天白雲綠水橙屋頂，色彩繽紛，好靚。跟朝早係兩回事

忍唔住行多次長樓梯上去，喺堡壘門口睇靚景

返回古城已經好熱鬧

喺碼頭即塲買飛去lokrum Island

坐船仔出發

十五分鐘就到

島上有好多景點，比較吸引的都喺碼頭附近

似梵高住的療養院

島上好多孔雀，呢隻擺哂pose似model

呢隻都係

大海作泳池

海邊的岩石不斷被海浪侵蝕

形成天然洞穴石灘，好多人游水，呢個景睇電視見得多，今次親身體驗，我都浸下腳，意思意思

島上仲有好多未見過的植物，蘆薈同仙人掌都好似人咁高

一街都係孔雀，開屏開到無興趣睇

仲踢埋波添

傍晚時份返回古城

晚飯的餐廳喺教堂旁邊，自成一角，好舒服

飯後甜品