Foodie 生活雜誌

今日係食完行，行完食，loop 足4次就完😅呢日食左四餐，夾埋用左大半日，最後唔夠時間做我的小電車遊，只停得一個站探招財貓，浪費左張一日券，好彩上天比我坐埋招財貓電車，叫做多個景點。

今日同團友分道揚鑣，我同團友P一組，大家都係晨型人，又喜歡散步，所以一早由民宿行半個鐘頭去食早餐，好舒服。途經上野公園，我無深入地行過上野公園，離遠見到呢舊嘢，唔知係乜？

原來係博物館外的鯨魚雕塑，好大條，好靚。

莫奈展，好多人排隊，提醒我回港後要去故宮博物館睇展覽。上野公園真係好大又多嘢睇，有啱睇的展覽真係要再來。

早餐，咖啡店唔錯

食完早餐即時搭車去食午餐😅車上廣告見到喜愛的作家吉竹伸介又有新書出，開心😃

午餐食法蘭西餐，食左差不多三個鐘，失哂預算

喜歡遊電車河，東京僅餘兩條地面電車線，今日去世田谷線

電車沿路都係民居，我晏左開始，又因為冬天早天黑，所以無乜時間遊覽

梅花定櫻花？

行錯路，兜左幾個圈至去到呢間豪德寺

呢間寺最特別係供奉招財貓，入到去見到好多招財貓，隻隻眼大大，夜晚見到幾驚

唔知以為賣，其實係信眾買左隻貓，放喺度供奉，好似繪馬咁

放到地下都係

由大到細，七個size

好多人會幫自己隻貓化妝

寺內當然有貓賣

唔係你想買就有，大隻的都賣哂

天色唔早，又要趕住食晚餐，只好離開。回程時好彩遇到招財貓電車

車內處處見貓踪

扶手都係貓

地下有腳印，cute

晚上食痛風鍋，個名好正🤣🤣

回民宿了，見到晴空塔就知方向對了。

民宿路口有間串燒店，忍唔住過下口癮，一日四餐就係咁囉