Foodie 生活雜誌

11/2019光顧

近年對於日本人煮西餐好有好感，見到呢間新餐廳由日本人掌廚，當然要一試。餐廳喺中環安蘭街18號食厦內，入面幾間餐廳都出名，餐廳在此落户，應該有番咁上下。餐廳佔地兩層，地方舒適，菜式配搭有心思，味道好，高雅的餐具配合簡約擺盤，侍應殷勤有禮，稱心滿意的一餐。

(不過最好睇清楚餐牌，因為好多菜色都要加錢，我無細心睇，結果埋單時有點out budget😜😜)

麵包有brioche同sourdoughs 配上加左橄欖油及綠茶粉的牛油  兩款包烘熱上枱，brioche鬆軟，充滿牛油香。sourdoughs 外脆內軟，食落有麵包香又有煙靱口感，牛油味道一般，只食麵包都夠

Amuse-bouche 剝皮魚配白味噌柚子汁 充滿日式風味，剝皮魚肉質肥美，配上甜甜的白味噌及清香帶酸的柚子汁，開胃

火灸chu-toro配日本醬油醋果凍及wasabi cream  好多餐廳都有提供呢款菜色，但好多時chi-toro質素一般，肉質腍，而且就咁烤個外皮做成半生熟就算。呢度的chu-toro 質素高，咬落魚肉帶彈性，醬汁有心思，將醬油醋做成果凍，同冷盤好配合，wasabi同奶油混合成cream ，好幼滑，淡淡的wasabi味，唔會太搶。兩款食味，整體感覺完滿。

蒜泥蘿蔔濃湯 濃濃的湯好有質感，清甜的蘿蔔平衝左香濃的蒜泥味，湯面的法國龍蝦仔輕輕泡過油，外皮帶香肉鮮甜，成碗湯食味好有層次，好好的配搭

煎羊鞍 用我喜歡的紐西蘭羊鞍，肉質綿嫩，外皮酥香，點菜時我無話要幾多成熟，由廚師決定，因為我始終覺得只有廚師最了解舊肉點煮係最好食，結果令我好滿意，嫩滑得來充滿肉汁。配菜係eggplant purée ，菠菜同中東米。帶點fusion 感

甜品 大堆頭，從頂到底 : 椰子sober ，rum 酒沙冰，巨峰提子，熱情果cream。平日我唔多喜歡食巨峰，因為帶酒味，怪怪的。不過今次配rum酒又幾配合。整體有多款質感口味之余卻又好清新，good

最後送上一個酥皮小食。套餐無包飲品，我約左人，無時間嘆咖啡，下次

餐廳在安蘭街盡頭的食厦內

餐廳分兩層，在28及29樓，電梯按29字

進入餐廳係29樓，輕食及酒吧區，午餐有分set menu 同express menu兩款，選express menu 的坐29樓。

29樓的大露台好吸引，尤其適合而家秋高氣爽的天氣

express menu

沿住樓梯往下走就係餐廳用餐區，天然光充足，木系裝修配上粉色系列餐椅，用色柔和，感覺舒適得來帶點活潑

美食就在open kitchen準備，全程靜靜的，無油煙

餐廳盡頭係一條長直樓梯上29樓，行動不便的食客可能要坐貨𨋢？有需要請於訂位時查詢。

一線海景

set lunch menu 我一向十分大意，而且睇嘢好求其，所以時常睇漏menu上的字眼，試過成版menu睇漏左，結果食唔到最想食的菜色。例如今次，我以為係$340 2 course，$480 3 course，包甜品，結果原來係甜品要另外加錢，我點的湯又要加錢，結果以為連加一五百幾銀的一餐變為七百幾，堅智障。