來八户主要係去八户市場,去八户市場主要係去食燒海鮮。市場好大,除左燒海鮮,亦有好多食店,另外乾貨、手信都好多選擇。來八户市場的旅客應該9成會去七厘村燒海鮮,我只想湊湊熱鬧,所以燒得唔多,食左喜之次,新鮮北寄貝、大蝦、生蠔及魷魚等。海鮮只要新鮮,簡單煮已好食。今次最最值得紀念係我喺七厘村遇到多年無見的好友,喺香港反而撞唔到,他鄉遇故知的感覺特別興奮,短敘片刻決定回港再約。飽餐一頓後逛下買下手信就離開。
今日係行程中同颱風21号距離最近的一天,我向南下,佢就北上,大家終於相會。橫風橫雨下去到十和田市現代美術館,仲暗自慶幸下雨天安排左室內活動,點知去到美術館至發現係休館日!一個低級錯誤!感謝團友們冒著寒風大雨,陪我欣賞室外展品 (所謂欣賞即係影相)。後來有朋友告知室外展品比室內更精彩,令我稍感安慰。
感謝上天,喺我地進入十和田湖區時,天色已開始轉亮,雨亦停了,經奧入瀨溪流進入十和田湖,天色已漸昏暗,雖然明日會再遊奧入瀨,但都忍唔住先落車影幾張相,遇到好多港台旅客,佢地都話明日會有好天氣,立時心情大好。入黑後天氣又濕又冷,趕快上車直駛往温泉旅館嘆温泉好了。
資訊 :
八戶市場 (八食センター)
地址 : 八戸市河原木字神才22-2
電話:0178-28-9311
営業時間 : 9時- 5時
十和田市現代美術館 (星期一休館)
地址:青森県十和田市西二番町10-9
電話: 0176-20-1127
一早就到七厘村,包場
燒嘢食最重要梗係個爐,開爐費每位計,食完要自行清理枱面
卡西火準備中
隔壁海鮮市場揀海鮮,睇中邊檔就指,店員會幫你洗淨切好,例如喜之次就幫我開邊
雞泡魚同翻車魚都有!
若你唔想煩,可以選擇套餐
燒燒燒
食完四圍行,喺乾貨市場放低唔少銀両
好多蘋果汁試飲!
我的選擇之一
海味乾貨
唔燒海鮮,可以買熟食
又有壽司巷
去厠所都不忘推介美食
橫風橫雨
見到個牌真係晴天pig pig
好彩館外都好精彩,見公仔如見奈良美智
Flower horse
見波點如見草間彌生
南瓜內看世界
小鬼望住的四方體其實係厠所,我入唔到藝術館都要入厠所!
Fat house and Fat car
進入十和田湖區,天開始轉亮,又一次感謝上天
水壩好有歐洲feel
紅葉來相迎
進入奧入瀨溪流,天然彩色世界
期待明日的晴天
留言列表