(咖啡店帶點外國feel,門口有個企位)
5/2019 光顧
餐廳感覺好cozy,幾有feel,咖啡有水準,食物亦不俗。不過店主頗有性格,無論對出品、店面及其服務都有自己的一套,喜歡的叫有性格,唔喜歡的會覺得佢態度唔好,正所謂百貨遇百客,受得到的就幫襯,唔接受的就無謂受氣了。不過喺九龍城想飲杯好飲的咖啡,我會嚟呢度。
咖啡香濃幼滑,所有奶啡都有個底short,店主每日睇心情去tune,好似今日,我原本想飲flat white,佢話個short沖flat white無咁好,飲Latte 或者係3 quaters latte 會更適合,分別在於奶泡的份量,我鬼識,從來唔知有3 quater latte, 佢話乜就乜,結果杯啡係好飲的。
一般的牛油果poach egg 麵包,pesto 醬幾香,一份包$118,價錢稍高
店子小小,繁忙時間要搭枱
coffee corner,店主的舞台,放滿咖啡工具
店主對每杯咖啡都用心做,我坐吧枱望住,真係堅認真。
喜歡Pour over 的,可以自己揀豆,但店主講明要等,有時可能要等30分鐘
由入店開始,每逢有人點咖啡,店主或店員都會提醒客人呢度係無糖提供,傾落更加講到,如見到客人自携糖落左咖啡,會成杯咖啡收左佢。因為店主認為咖啡係唔應該落糖,會破壞味道。我一向唔落糖,無影響。呢個係佢其中一個執著。
第一次見凍americano咖啡同冰分開上,雖然就算比我飲我都唔識分,但感覺好pro(多敷淺的我😜)。上面的圖畫叫人唔好催佢,要慢工出細貨,又叫客人好好享受慢活時光。當日我食完飲完,坐喺度睇手機時,店主話人多,想我轉去吧枱,態度係有禮貌的,但我覺得既然你咁有態度,唔憂做feel,又點解人多的時候要我讓位?比我的感覺係你慢就得,我慢就唔得。呢個位係有d無癮。
呢幾隻杯就係用來解釋奶的份量
不同咖啡有不同奶與泡的比例,有興趣的自己分別下
有蛋糕提供,若無聽錯應該係homemade? 因為聽佢同客人講又有一番供應的理論,我無仔細聽,不過聽到佢對店員擺放時左右手的使用都有提點,真係事事關心
假日週末有set,同a la cart 的分別係咖啡平少少
a la cart menu, 12 點後有意粉,不過見到人地食嗰碟水汪汪
留言列表