Foodie 生活雜誌

話說呢個日本之旅其中一個原因係太后話想去築地魚市場，一個跟團去過日本N次的人居然未去過築地！呢個係太后口中一千萬個終生抱憾中的其中一個 (有一次佢買唔到李敏鎬的演唱會飛都話抱憾終生😪)。來到旅程的最後一日，一大清早就同太后遊築地，往築地途中，面對繁忙的街道，太后帶點不滿地話 : 「做乜要來東京？我都唔鐘意。」我 ： 「唔來東京點去築地？」太后 ： 「我有話過要去築地咩？」我忍唔住睜大眼睛衝口而出 ： 「頂你呀！」太后即時扮儍喃喃自語 ：「哦....原來築地喺東京，點坐車呢？」跟住自己往前行，吹漲。太后喺築地行個圈已經嫌悶，其實築地對佢嚟講只係人有我有，當集郵，同佢食完碗海膽飯就回酒店取行理往機場。太后最後下旨，話日後來日本「只需」為佢安排好食的拖羅、海膽、鰻魚、魷魚同牛脷就可以了，「唔使搞咁多嘢」。真係好簡單囉😡

我就主要來食海膽飯，而家分時段派籌，唔使企定定等

好彩太后大讚

因為有流動老人pass (與太后同行)，今次喺機場居然有車坐去閘口

太后滿意今次旅程，大拿拿打賞左9000yen 過我 (其實佢全程都無用過錢)