Foodie 生活雜誌

去大埔唔知食咩好，上openrice 見15個讚無彈，去到門口都有d猶豫，但又無其它選擇，點知真係上左賊船！(以後真係要信下感覺) 絕對係近日食過最難食的餐廳。
 
Caesar salad個又汁酸又過多，唔知點解係要加幾條芽菜苗，成陣臭青味

近年每次來都係為左呢碗十勝豚丼。之前期間限定，每次一出我就會食一次，反而現在放在餐牌後就無再來，人就係咁衰，垂手可得就唔稀罕，係要比人限時限刻食至有興趣。豚丼的豚肉有點肥糕，咬落唔會乾爭爭，醬汁ok, 當然同日本的有距離，但日本亦唔係間間好食。有四片豚同六片豚選，試過貪心點六片，飽到嘔。不過記住唔好去elements 果間，原來elements 店同一樣食品係比其他分店貴(唔知而家有無改番?)
 

 
又一個貴包，不過今次國藉係法蘭西。當日唔太肚餓，清清地叫個番茄水牛芝士配橄欖意大利包。麵包鬆軟，食落好香橄欖味，芝士同番茄都好新鮮，配上厚切薯條同西柚汁，唔錯，起碼食得飽。但唔會有興趣再來，反而會再去Panino Giuato。
 

 
意大利三文治。我會叫佢做貴價包。今次試左王牌Tartufo。意大利包烘熱，火腿芝士火箭菜都係靚料，無話唔好食，就似呀蘇煮碟菜，兩斤摘剩半斤，實好食。問題係你捨唔捨得食，個包細細個，加杯細細咖啡，不過有一小粒雲呢拿雪糕包住用來伴咖啡（唔知點解d食物硬係好似細左個size) 盛惠$148, 仲要唔飽。作為窮風流的我，會選喜慶節日再光顧。
 

朋友提議八月花。N年前來過，覺得好唔得，得個樣，食物質素極差。呢晚朋友提出，唔好多意見，gogogo. 食完後感覺良好。以價錢計，水準唔錯喎，走新潮路線，型格裝修，用d靚靚杯碟，upgrade 哂。味道唔錯，賣相精緻，隻醉鴿唔錯，其它都係咁上下，唔難食就得。不過個dessert menu ，中菜嚟講算強勁，中西合壁，多選擇。我喜歡個雜果拿破侖，除左蜜瓜果層怪怪地，其他都好味，個custard又唔太甜，家陣去甜品屋都收你$50細細件，呢度咁大個唔使一舊，抵！難得星期五都唔趕人走，6點半坐到10點，讚！(似乎唔趕我走的餐廳就會比我讚)

美心真係好成功，中央採購，又有自己餅房，整咩都得，難得管理層肯花咁多心思打做不同品牌。旗下的simply life, 丼丼屋，都係我唔想諗時的選擇。不過又係果句，盡量少幫襯大集團。
 

 
 
 
 
 
 
 

 
 
 
 
 

 
 
 
 

 
 
 
 
 
 

 好少在紅磡食飯，本來想去「咖啡主意」，但無訂位無得食。朋友食過呢間話ok, 就咁話。門外見餐牌都估到係行貨，唔會有特別，入到去靜靜地，環境唔錯。費事煩，點個套餐就算。

頭盤每樣少少，放得靚靚，味道普通, 生蠔算新鮮

朋友盛讚，聽到我心癢癢，叫佢陪我食多次，結果又係比隻靚碟你的新派中菜。
朋友每間必點的青瓜海蜇頭, 唔夠味.

 

現今資訊爆炸，每間食店都有好多介紹，(包括我呢篇)，就算幾唔好食，每人試一次都可維持一段時間。
先講大隻佬，住左旺角咁多年，一直無聽過，真係孤陋寡聞。直到被收鋪再重生，被飲食雜誌報一報，儍傻的我行過又試下。叫碗牛筋麵，睇相都知超級油，牛筋夠淋但唔多入味，係個餐牌幾可愛。可能其它食物好味，但唔合我口味。
 

去過好多次，要食的都食過哂，未點過的亦唔會點，食物夠地道，價錢又唔貴，做街坊生意。只去舊鋪，不過近年食物真係縮哂水，而且因為等位太耐，都少左幫襯。今次兩條友，叫個雞飯同鴨肉河，簡單好味又一餐。佢送的芋頭西米露都味！
 

餐廳開左好多年，揸車經過好多次，從無想過來食。不過同事話好好食，又試 下，原來口味真係好個人的。
環境係唔錯的.