Foodie 生活雜誌

舊式飯店格局，食的都係老式廣東菜。朋友因為隻乳豬而來，整晚的食物無話特別好，不過呢間食店開左咁多年都仲支持到，點都唔會太差，叫做食過。
 
白肺湯要訂，但味道淡，普通。

 
星宴係W酒店入面的中菜廳，去過幾次飲茶，點心唔錯，(其實我唔識形容點好食法，總之味道要對版，唔好太咸太甜，食落唔會滿口味精，蒸餃要皮薄餡靚，炸物唔會太油太厚炸粉我就覺得ok)。實則想講的係佢個點心自助餐，$195一位，連茶錢，要加一。散叫點心大部份都有，食兩個灌湯餃都喺番度，不過只限星期六日及紅日09：30-11：00。
 

睇完網友小臣的網誌去試食，無介紹錯，以後又多一間可以同大班好友共聚的餐廳。食物好，價錢唔貴，又唔會限時限刻趕人走。小店裝修雅緻，有心思。呢晚點左好多，大部份都好味。

 

食物都係普通喇，不過想講下呢間最特別係晚市分三輪食飯時間，我六點半到，要七點九交枱。不知從何時開始， 因為店舖租貴，創做出呢D 奇怪的限制，從前只有週未適用，到現在每天合用。若你想食一餐坐得舒服點的快餐，不妨食下。我就無興趣了。(今次因為朋友要快食快走才幫襯)

近年，茶記都高級化，好多都係集團經營，就如呢間皇后冰室。早餐雞扒太陽蛋午餐肉蕃茄湯底螺絲粉，再加即磨咖啡。無咩特別，只屬正常。但最慘唔係咁多地方可整到呢種正常味道的早餐，租金，人工，原材料，樣樣加埋，獨立餐廳係咪真係可以維到皮？無支大水喉喺後面射住，做一個咁嘅早餐要賣幾錢？最後，好多都捱唔住關門，剩下的就係集團玩哂。作為消費者的我，好多時想幫襯小鋪，但有質素的都買少見少了........
 
 

呢間係18gram 旗下的西餐廳，因為試過18gram 的食物不俗，所以呢間一開就來這試。餐廳分兩層，我地二人坐上層，全晚得我一枱，走時見樓下有一枱(都係二人)。灣仔咁貴租，真係祝君好運。
 
 

之前食過晚飯，食物不俗，聽講個brunch幾抵食，帶家人來試下。buffet枱的沙律菜好新鮮，自家製的沙律亦好美味。Ham 都交足貨。甜品每樣小小的，方便可試多幾款，家人話blueberry cheese cake 好味，其他普通。我唔係甜人，無興趣。main course 點左pasta 同burger. Pasta 料多個粉，有pork cheek, prawn, tomato 好豐富，美味。Burger 好有肉汁，配料亦好新鮮，厚切薯條。但真係食得我好呢hea. 連咖啡茶，對住個靚景，成個餐唔使三舊，可食足3粒鐘，唔怪之咁full。但今次被味精封喉，上次無事呀，點解呢？
 

近年飲食界興起西班牙熱，湊熱鬧試下。見最有好評係呢間，二話不說就訂位，餐廳一共打左4次來 confirm booking，以為一定好full, 點知嚟到又唔係。點左杯sangria, 呢度的sangria酒較重，但味道唔錯。Tapas 款款都好，賣相精緻，全部菜式都如字面一樣，無搞花臣 (我無記低西班牙名) 當晚點左iberico ham, tomato bread, tomato tartar, avocado lobster roll, ham & truffle bikini ， 仲有個用crepe 包住veal 同chicken 淋上 cheese sauce (忘了影相) , 蒜頭爆大蝦 (不過通常食的係炒蝦仁，但呢個進化版就全隻蝦，擺得靚靚再加個汁)，。當中的tomato tartar 做到有beef tartar feel, 幾有趣。隻suckling pig 其實得半隻，上枱時賣相有點恐怖，第一眼睇似隻狗。侍應用隻碟切件，好似話傳統就係咁serve, 小豬皮脆肉嫩，但就好膻。燒乳豬同雞一樣，都係中國人做得好d。甜品menu 本身就唔吸引，最後點左rice bread 同almond sponge cake都好普通。呢度價錢唔平，初初諗住若唔飽就叫個西班牙大鑊飯塞飽個肚，點知呢個菜只有lunch 供應，杜絕古惑仔。其實main course 都無咩揀，好在tapas 都幾飽肚。但值唔值就見人見智。
 
sangria

喜歡去小菜館，鑊氣夠，選擇多，價錢實惠。呢間茶餐廳格局，但都有好多心機菜。例如肘子，豬肚雞，白肺湯等。餐牌幾豐富，菜式都叫多樣化（仲有黃酒雞都有興趣試）。閣樓有房，可以包房食私房菜。水準唔係突出，不過用料好足，味道唔差，係有d菜式比較多油，但一定好過某d比隻靚碟你的華而不實酒店中菜。希望呢d小店能維持落去。在貴租效應下，真怕有日食個小菜都要去美心大家樂。
 
豬肚雞個湯係胡椒豬肚湯底，對我嚟講就夠辣，呀姐會叫你飲完第一轉先加再加湯淥菜，講到明要飲哂頭啖湯先。

 
灣仔店剛開時，好出名，話抵食又好食，之後在尖沙咀開分店，但由於口碑不一，一直無的起心肝去試，直至朋友提議就隨緣一試。一間食完唔會有印象的餐廳，所有食物都好普通，我再睇番相片都完全忘記味道, 所以無法形容。只記得氣氛唔錯，環境舒適。不過同類型的餐廳，我會揀pizza express。