Foodie 生活雜誌

11/2022光顧

柴灣區似乎無乜好食，睇開飯網話呢間唔錯，即管試下。去到至知係快餐店形式，以外賣為主，得幾個坐位。食物無錯係惹味的，明白川菜味道濃烈，但呢度只見油淋淋，成口味精，利口不利腹，唔啱我老人家。

 

重慶九轉肥腸米線

湯底香濃，大腸肥美，係幾好味，但我硬係覺得食緊碗化學湯底咁，感覺唔良好。

韮菜豚肉小雲吞

雲吞一啖一隻，皮薄饀料味道不俗，但見到碗油都有點頭痕。

餐牌好多選擇，幾吸引㗎，街坊外賣之選

 

 

 

連鎖店，大部份食物都係中央廚房預先整好再翻熱。