今日係移動日，要坐六個鐘頭車回昆明，中途喺雙胞鎮食個午餐就直踩昆明。好一個少爺仔，全程安穩地坐喺較窄的後座，無不耐煩無發脾氣，就算暈車浪都只係調位一段時間，過一陣就自己要求坐番後座，乖到要比十個讚。回到昆明大城市，即時有回到comfort zone的感覺，自動切換城市人mode，入住apartment，食西餐，安樂哂。
一早又去Torch來杯nitro cold brew，唔係朋友仔教都唔識有呢種咖啡。
出發！又要坐六粒鐘長途車
休息站，居然有自助餐！咖啡機係即沖型，好先進👍🏻
沿途風光明媚
來到雙胞鎮，個鎮出名在好多雙胞胎誕生，相傳飲左鎮內某個井的水就可懷雙胞胎。如今個井已變成超級旅遊點，師傅帶左我哋過來，井喺山上，坐條超長電梯上去，喺山下見到超級商業化的外貌，我唔想上，望下就走。
跟住大眾點評揾食，試下小數民族哈尼族菜，牆上畫的砂窩炖雞好吸引。
喺普洱食過幾餐，發覺掌廚的都係女子，當日呢位女廚娘由洗菜到落鑊一條龍，整個過程如行雲流水，見佢細細粒，但充滿力量的手臂輕鬆地舉起重重的鐵鑊，超級厲害。
食材任選，由負責樓面的老公(?)落單
呢餐等左個半鐘至有得食，當然又係重口味，我都無心機食了。
飯後一杯啡，發覺中國內陸的二三線城市都有精緻的咖啡店，生活水平提高左好多
又上路，中途停低休息站買芒果，又大又香，平靚正
到左昆明，見到巴黎鐵塔？
先去酒店check-in，（无意美宿酒店/昆明滇池万达广场店）昆明的酒店幾得意，一幢大厦內有幾間酒店，每幾層一間酒店。酒店雖然唔喺市中心，但喺商場樓上，餐廳，大型超市，生活用品店俱全，都好方便。
一房單位，裝修簡約，乾淨舒適，唔錯
晚餐終於可以食番餐西餐。簡單的雞翼意粉已開心
文章標籤
全站熱搜
香港食食食 (25)