參觀完火腿廠就梗係買火腿同食火腿，廠房附設餐廳，都有人專程來食，可能係住附近？餐廳簡單，只食火腿，我地聽職員推介，選左tasting plate同hand cut black pig ham，甘香好味又唔會太咸，個black pig ham仲充滿油脂，不過近年比較喜歡食西班牙火腿，所以覺得呢隻淡口d。食完就梗係要買，呢度唔會hard sell，不過見佢無真空包裝我都有點保留，不過其他人買又湊下熱鬧，果然回來後味道都差了。呢個活動有得長見識又有得食，值得推介，不過Parma城內應該仲有更好的餐廳選擇，大家去之前記得做資料搜集，唔好似我咁求其。
餐廳門口，似小食店
開朝9晏3，好爽㗎
室內
露天雅座
餐廳內好有氣勢的火腿牆
簡單餐牌
tasting plate
差不多最後一日，咖啡都係唔好飲
火腿銷售處在地牢
古董切火腿機
落樓時會經過剛剛的火腿庫
火腿可以成隻買，又可以買切好的
我地都買左好幾包
咭片
參觀完火腿廠，駕駛員居然提議去outlet，仲自己上網揾埋資料，真係無幾何，今次旅程佢有功又有勞，我地又點會托手踭？個人而言，Serravalle designer outlet 比the mall更適合我，因為中價牌子多d，價錢平d。雖然結果都只係買左少少嘢，但都好開心。當中有段小插曲 : 話說book左airbnb的屋主一直未能聯絡，以我緊張性格，當然好擔心，無哂心機shopping，但又唔想講比團友知，(雖然佢地都應該唔會擔心)，有時壓力真係自己比自己，結果當然無事，但屋主安排失當，比唔到我要求的地方，替代的地方又唔夠衛生，為今次行程留下些少污點。
Serravalle designer outlet
Day 16 Milan-HK
第二日早餐後就直接去機場，再經歷19小時機程行就回到香港，今次旅行非常順利，充滿美好的回憶，感謝上天安排與團友們的配合，期待下次的旅行。
最後的一天，烟霧瀰漫的湖景
霧散了
秋天的尾巴
今次旅程的最後一餐，唔知以為食紙巾
因為窮，行李無法超重，goodbye Italy!
香港食食食 (25)