今早6點就食早餐，天都未光，食左我人生第一次燭光早餐。餐後出發去Ngorongoro Crater floor。Crater 即係火山口，係多年前大型火山爆發後自行坍塌時形成的盤地，內裡係大量動物及雀鳥的棲息地。跟昨日的森林safari 好唔同，今日去的係一個大平原，喺車上遠遠望去都係一大群的河馬、水牛、班馬、羚羊，雖然好多動物要用望遠鏡至睇得清楚，但對於自己能夠置身火山口內，感覺奇特。仲見到奔跑的大象及駝鳥，見到飛奔中的駝鳥身後沙塵滾滾，似睇卡通片小鳥必必現實版一樣，好好笑。午餐喺湖邊，湖內好多河馬，肥嘟嘟好可愛。飯後繼續safari，等獅子獵食，睇駝鳥跳求偶舞，所有所有都係上天安排，睇你彩數了。完成一日的safari後，回酒店休息，晚飯後要收拾行李，明日搭小型飛機離開去下一站了。
一早起身食燭光早餐，都係自助餐，有一個counter比住客pack 三文治做午餐，我地個團包餐，唔使自己嚟。
出發往 Ngorongoro Crater floor，目的地係山頂，一早揸車上山，經過rainforest (!)，山路好大霧，非洲真係令我意想不到。中途仲見到花豹….個pat pat，其實係前面車的司機見到花豹走左入草叢，佢叫我地停車睇，花豹見人就走，我只見到佢背影，都算好彩了，其他同車的人都見唔到。
來到入口。每個國家公園都要入塲費，大概百零蚊美金，費用已於團費內包左。
沿途見到當地小孩行路番學
Masa 族聚居地，佢地係遊牧民族，唔會長期停留
上到頂，望落去就係火山口，咪以為有水的係湖，其實係積水
入塲前停車去定廁所
好大棵仙人掌樹
一入到火山口區就見到山坡上的斑馬，對於平日喺山坡上只見過牛羊馬的我，感覺新奇，已經停低係咁影。
沿火山口的邊(rim)往下行，我去之前只知要入個地方睇動物，去到至知係火山口，tour guide 好有心機咁解釋crater 同candela 的分別，我當然唔知佢講乜，對於地理常識，中文都未必明，何況佢講英文，回來後反而有興趣上網揾資料，因為有個形像概念，讀萬卷書不如行萬里路係啱的，我去完萬里以外就有興趣了解呢個知識了。
見到一堆長頸鹿，原來火山口下面草原係無長頸鹿的，因為下面無佢哋食的樹，另外因為落山太斜，佢地太高，會仆死，所以落唔到去，好搞笑。
考考你眼力，見到長頸鹿嗎？睇你都見唔到，指比你睇
落到草原，望見呢個斜坡其實就係圍住整個盆地的火山口邊，好特別
坐住架車見到旁邊的唔係人，只有動物，終於見到呢個畫面。吉普車在草原上只能行主要車道，動物唔會走過來車道，所以好多時動物都比較遠
一群班馬
角馬
水牛
雀都大隻過其他地方的雀
途中見到好多不同品種的羚羊。呢隻係大種
午飯時間，全個觀光點只有呢度可以食飯
tour guide已為我哋set好餐桌及食物，有咖哩雞、飯、菜
對住個湖食，個湖有乜特別？
特別在有河馬呀！河馬陪我食飯😁
飯後繼續
今次的班馬好近
班馬親子圖
鬣狗
澎澎(疣豬)
見到獅子！tour guide話佢想捕獵班羚羊，我地等左成粒鐘，過程中見獅子慢慢愈行愈埋，結果都係被發現，失敗左，但都睇得幾過癮。
咪以為係石頭，其實係瞓著的河馬😅
駝鳥
buffalo & friend (牛背鷺)
他朝君體也相同
非洲仲有好多未見過的樹
antelope vs gazelle,
jackals
Thomson’s and Grant’s gazelle,
香港食食食 (25)