跟住呢幾日都係喺Hvar島上遊車河，四圍hea 下。來Hvar的人大部份都係來玩跳島，即係坐船仔去外島一日遊，睇下藍洞，去附近的沙灘游水或晒太陽等。因為團友不諳水性，所以無安排出島，網上Hvar的旅遊資料唔多，不過反正自駕，鍾意去邊就去邊囉，結果我地今日就去左揾薰衣草同行古城，輕輕鬆鬆過一日。
一早喺露台嘆早餐，我地住喺小村落的山坡上，視野廣闊，空氣清新，好有田園風
食完早餐睇一陣書，嘆埋杯咖啡至出發，千萬唔好趕頭趕命
Hvar係一個大島，好多路都係沿海而行
Hvar係有薫衣草田，睇地圖都見到有，但到達目的地又一條都見唔到，雖然未入季。
見到有個類似花園的地方，即管入去睇下，原來係一間民宿，屋主非常友善，帶我地四圍參觀，言談間知道佢係建築師，間屋係自己一手一腳設計監工，仲好喜歡園藝，係咁介紹花園種的香草，仲要講埋同太太的愛情史，搞到佢太太成日叫佢收聲，好好笑。
屋主話以前的確有好多薫衣草，但自從經過大火後，剩下的薰衣草只係原本的10%。加上未到花季，所以只得幾棵。屋主種左少少法國種的薫衣草
克羅地亜種的薫衣草較大棵，顏色較淡
離開時屋主送我安睡香草沖茶
沿路往古城，經過小村落，行下停下，但幾靜，無乜特別景點
差不多到古城，又幾靚喎
一排彩色甲蟲遊車河
之前COVID的檢測中心？
好晏至食早餐，所以雪糕做午餐
來Hvar的人通常係跳島遊，所以好多水上的士
古城好舒服，乾淨企理
大街小巷最吸引
呢間係圖書館
行街除左shopping之外，揀餐都係我的興趣，之前行過睇中的餐廳，晚餐就呢間啦
食物唔錯，有海景睇，侍應服務好，仲送左甜品比我地
推薦餐廳 : RESTAURANT PLAVA ALGA
入黑, 回家了
文章標籤
全站熱搜
香港食食食 (25)