Foodie 生活雜誌

2026 雲南滇南遊 遊記篇 Day 2

行程 : 昆明 - 宜良櫻花谷 - 彌勒

早上喺老街食早餐後出發往宜良櫻花谷，點知櫻花因為昨晚的 hi大風雨吹掉了，售票員好風趣，話櫻花等左我好耐都唔來，等到昨日終於走了，令到失望的我都覺得窩心。不過一塲來到，照入去好了，結果又唔錯喎，見到月季花同白藤。櫻花雖然唔係滿開，但都叫有。午餐喺宜良市食烤鴨，新鮮出爐，一隻收32人仔，平到我比錢時都窒左一窒。之後直接去彌勒的酒店check in，酒店喺景區內，設計特別，只係參觀酒店都用左一段時間。晚餐去夜市，點知去錯左個小型夜市，揾唔到食，唯有掃街，草草食完一餐好了，團友話同我去咁多次旅行都未試過掃街，真失敗，不過駕駛員好開心，因為佢係味精人，啱哂。今日行到好攰，早點返歸休息好了。

酒店樓下就有車仔賣早點，當地居民的日常，但我實在唔習慣一早食得咁heavy，無法做到入鄉隨俗

作為一個西(衰)人，梗係要來杯啡，食個三文治。呢間cafe昨晚已把中，但只有咖啡蛋糕，無簡餐。好彩今時唔同往日，我知道可以去其他餐廳點餐，所以去隔離點三文治，叫佢問使pack，成碟上👍🏻

咁就兩全其美了😁

出發！而家國內的告示牌都走可愛風

到達

呢架車仔唔錯，我應該揸得掂💪🏻

來到櫻花谷……..她們實在太狠心，說走就走😭😭

花園佔地幾大，企理工整，做得唔錯，只不過我習慣睇一大堆花田啫

月季花，玫瑰的frd，好大朵，有我拳頭咁大

無櫻花，但有白藤隧道，清清地都幾靚，不過始終紫藤搶眼點

正想離開的時候，駕駛員至話想玩航拍，心諗 ：唔好下年至講😒咁我當然無講出口😁😁喺等佢放飛機之際，我哋四圍行，居然見到櫻花水尾，影出來都呃到人。

離開公園去食嘢，已經變下午茶。去到至知原來烤鴨只做外賣，我真係企喺度，好彩老闆教我過對面餐廳點少少嘢食就可以坐低食。

烤鴨好似麵包出爐咁，即烤即賣，我去到的時候剛好有最後一隻，錯過左就要等半個鐘

烤鴨一隻只需$32，剛出爐，肉質柔軟皮酥香，幾好食。碟餃子就麻麻，不過只需$7，當攞個位食飯。

我哋食完，第二輪鴨出爐了

沿路風光，一幅幅田似拼布

來到彌勒

水道橋相迎

來到農村，遇見村民

先到酒店

酒店建築特別，另文分享

晚上出夜市揾食，酒店小妹介紹左幾個地方，自己死唔肯去大商場，結果夜市食物唔啱食，但想去大商場為時已晚，只好草草食完一餐。