今日坐免費電車喺市内遊，行下食下就一日，早點回住宿執行李，明日坐飛機回家了。回程嗰日，我哋一團人分兩班機走，朋友走先，我哋後幾個鐘機，點知去到機場居然接到朋友電話，話飛機折返，而家喺停機坪，重要係佢唔見左電話，唔知係咪留低左喺機場！我哋第二梯隊即時喺機場跟進，好彩最後揾得返，但朋友就要留多日了。呢個係今次旅程的小瑕疵，其餘時間都玩得好開心，今次全程行下食下hea下，難得大家都喜歡自家煮，舒舒服服享受住家生活，有點點旅居feel，每次旅行都係一次緣分，希望大家有緣再聚🥰
清雪櫃早餐
今次間Apartment喺碼頭邊，四圍都係新型建築
樓下有個社區圖書館，設施唔錯，有乒乓波打，仲有中文書，向住過海睇書真係好舒服
住宿樓下就係電車總站，喺free Time Zone入面
又來到Melbourne的心臟地帶
原本諗住行條大直路就到墨爾本圖書館，但女人行街唔係直線的，會經過重重障礙，就好似見到呢間雪糕店有新出品就入去食，平時喺香港邊會食，去旅行先至捨得食。
行唔夠兩步，又遇到呢間香水店
香水店的特色係「靈感」，「靈感」來自其他出名香水的品牌
有晒catalog話你知係邊款名牌香水，好搞笑，如果喺其他地方就會話係抄，但係呢度又好似冇嘢咁
咁我當然要幫襯返一支靈感香水啦
Coffee time，仲未到圖書館🤣
途經唐人街，但係冇入去
唔使入唐人街，附近都已經好多中國的食店
圖書館，歷史建築，好靚
之前睇資料話圖書館有個觀景台，我諗Melbourne的市容唔似靚到要有觀景台睇，原來個觀景台係睇呢一個咁靚的閱覽室
其實喺度睇書都幾難專心，不停有人左穿右插，而且一定會上鏡，丹麥圖書館都有個咁上下的閱覽室，但無向外開放
另一個閱覽室都好靚
仲有藝術館
行完上天台食burger飲啤酒，少爺仔最開心，終於有burger食
行過口㾗，又再食多個壽司卷
shopping時間
呢間店真係好多人排隊，朋友係粉絲，好開心可以買到鞋
坐車返去了
今晚唔煮飯，揸車出去食最後一餐越南河，老闆喺香港住過，傾咗幾句，不過越南河出品都係一般。
今日離開澳洲了，早餐喺附近Cafe食，呢個旅程好少去cafe
回家了， 17日旅程就此結束，澳洲，後會有期。
香港食食食 (25)