中國食蒸鱔，日本食鰻魚飯，韓國食燒鱔。之前去過幾次韓國，都冇食過燒鱔，近年至知道有呢樣嘢，真係孤陋寡聞。試過喺大陸食，麻麻哋。今次去首爾食，朋友推薦呢間，應該都係養鰻，好肥美，鰻魚即劏即燒，阿豬媽幫你燒埋，燒得焦香，教埋你點夾嘢食，將所有配料揦埋一住然後塞落個口度，又係另一種風味，好得意。
枱上一堆配料，四個人比兩碗湯，但係又唔俾碗你，韓國人真係興用匙羹你一啖我一啖，好唔慣。
按人頭計，呢度係四人份。
鰻魚好肥美
阿豬媽一人睇幾枱，喺幾枱客人之間來回，將鰻魚返來返去，好快就燒得焦香
之後幫你切開一嚿嚿，再教你夾配菜，揦埋一住放入口
餐廳喺舊區內，一棟舊屋入面，有兩層
開咗20年了
我五點幾就來到，所以冇乜人唔使排隊，仲俾咗個窗口位我
門口有個魚缸養咗鰻魚，保證新鮮
請先 登入 以發表留言。