團友指定要食韓牛，所以我搵咗呢間喺上等人區清潭洞的燒韓牛。餐廳喺住宅區內的一座小紅磚屋內，後面有個小花園，幾骨子。食咗幾款不同部位的牛肉，食材高級，肉味香濃柔軟，有專人負責燒肉，最特別係前菜有醃生蝦，仲要無限添，推薦。
前菜唔多，但每款都幾特別，泡菜好味
醃生蝦好鮮甜
食咗呢三款牛，唔好問我咩部位，我唔知。
用碳火係必須的，有個石盅，先熱好，之後將煎香兩邊的厚身牛柳放入去，再用熱力整熟中間，肉質可以保持柔軟。
個盅係處理最厚嗰嚿牛
生牛肉，好鮮甜
牛骨湯，好香濃
韓式拌飯，同我想像中的唔一樣，好清淡。
飯後果係鮮菠蘿，好甜。
餐廳喺小紅磚屋內
樓上係包廂，我哋安排咗坐喺地下溫室玻璃房內，當日落雨，見到啲雨係咁打落去個玻璃頂上面，幾有氣氛。
請先 登入 以發表留言。