Foodie 生活雜誌

 

今次旅程分享的餐廳係以我覺得好食的次序來介紹，呢間係第一位。我好喜歡食醬油蟹，若話我為醬油蟹而去首爾亦不為過。10年前去過的餐廳已經好出名，又要訂位又要排隊，咪搞。網上搵到呢間，蟹的質量一樣咁好，全部爆哂膏，醬油味鮮，吊哂蟹肉的鮮甜味出來，每人食咗兩隻，大滿足。當日叫左套餐，但上餐廳一次過上晒所有菜，食完蟹之後所有嘢都凍晒，變得唔好食，浪費左，價錢差得唔多建議分開點好了。

 

🥢유월집 六月家醬油蟹

 【地址】서울시 서초구 서초대로48길 13 지하1층  

首爾特別市瑞草區瑞草大路48街13號地下1樓

 

點咗醬油蟹及辣炒八爪魚套餐，上枱時已經有湯、配菜及白飯

其中一個碗有紫菜同埋蟹籽，加埋醬油蟹撈飯食好正👍🏻

先來套餐的四隻蟹，爆曬膏，睇到都開心

食到不亦樂乎的時候，辣醬炒新鮮八爪魚就來到，上枱時熱辣辣，但當時食蟹食到成手係，已經無暇再去食八爪魚，等到食的時候d汁都瞏晒，而且好辣，食咗幾舊食唔落，浪費咗。其實八爪魚好彈牙好好味。

職工二圍用膳，每人追加一隻醬油蟹，第二輪的蟹大隻啲，蟹膏更肥美，都係散點好

今次我學韓劇的人食法，將蟹膏唧晒落個碗度撈飯食，好味😋蟹蓋刮晒d膏出來，加飯食，又或者放紫菜包住食，醬油蟹完全係正牌偷飯賊，唔食飯的朋友都食咗兩碗，飽到上心口

來到韓國，Makgoli必點

餐廳喺橫街內的地庫，唔難搵，的士司機再到我喺門口。

落兩層樓梯就到，地方簡單，係當地人的飯堂，午市時候只有我哋一枱人食醬油蟹，被安排坐房仔。外出面幫襯的都係打工仔，食自助餐咁，夾小菜加飯加湯就一餐，好經濟。