Foodie 生活雜誌

 

不同國家有不同文化及習慣，自從有digital travel 後，去不同國家多多少少要download一兩個當地的apps。

今次download左幾個apps，同大家分享下。

 

💡韓國地圖 : 韓巢網的韓國地圖apps，規劃旅行用來揾韓文地址及睇地圖，因為可以翻譯為中文，比睇google map清楚好多。apps係一站式，內裡有好多資訊及訂票服務，但我都係幫襯番自己用開的平台。

 

💡NAVER Map : 今次無左佢真係唔得。韓國用google map極唔方便，地圖太簡單，最奇怪係只有公共交通的路線選擇，其他步行或駕車的資料欠奉，好似入左另一星球咁，要用NAVER Map至得。但NAVER Map的地址只可以輸入韓文，頭兩日用唔慣，幾氣餒，習慣左就覺得幾好用👍🏻

 

💡Uber Taxi :因為怕街上截車溝通有問題，又怕的士司機兜路，所以打算用uber call車。叫車時可揀車及有費用參考，但用唔到網上付費，上車後起錶計錢，落車時付款，可用現金、T money 及信用卡，車費同報價差不多。不過除左頭兩日用，之後大多數喺街上截車，因為唔想浪費時間定位，而且的士司機的質素好好，放心截。

 

💡CATCH TABLE : 餐廳攞籌排隊及訂位用，行程中有兩間餐廳若無用呢個apps都排唔到隊。另外亦可作訂位用，apps內介紹的餐廳唔錯，高分的都信得過，幾好用。

 

💡韓巢韓國地鐵 : 除左機場出弘大，我全個旅程無坐過地鐵，所以無用到，但朋友話坐地鐵必用。