今日行程豐富，全日都係睇動物，中午睇塘鵝，下午睇樹熊，晚上睇企鵝，好充實的一天！
早餐好健康，我整個喺fineprint 會點的藍莓 ricotta cheese加蜂蜜toast，好食，係去旅行至有呢啲閒情逸致
團友夫婦攞左樂悠咭，仲好有情趣地帶公仔來旅行，真sweet
喺車上見到好靚的鏡湖倒影，即時揾位停車影相，自駕遊的樂趣
大自然的美景，可遇不可求
來到碼頭邊，剛好夠鐘睇餵塘鵝。順便訂埋明日出海觀鯨
小女孩唔怕凍，仲玩水
識途老馬，塘鵝到著。
好多人
阿姐一路餵，一路講解塘鵝習性
阿姐有阿姐講，塘鵝們有佢哋搶食，好兇狠
睇完塘鵝，揸車過橋入philips island 。philips island 出名睇野生動物，企鵝回巢就係喺島上睇。先去tourist information 買套票，包 penguin parade， Koala conservation reserve 及 churchill island ，團長話抵d，我唔知。
入面有張鯨出沒地圖，希望我明日睇到🙏🏻
係時候飲咖啡，跟G神揾，唔好飲
Koala conservation reserve，又係睇樹熊，諗住幾日前睇過，興趣不大。點知今次的體驗又唔同，園區建設高架棧道參觀，旁邊種滿尤加利樹，樹熊們各有地盤，可以近距離睇到佢哋行動
介紹樹熊生態的展館，另有cafe及紀念品賣
今日有5男一女登塲
園區建設高架棧道
真係幾近㗎，不過若遇到好似呢隻手的主人，霸住個位超過半小時，咁就無癮了
樹熊通常喺樹葉掩影下，好難發現
呢隻好生猛
但公園有提示，睇睇下就好易揾到
我都揾到了
philips island好細，每個景點距離都係十零分鐘車，趁有時間，去睇埋舊三角石
澳洲好多天然景都係搭條棧道去海邊，行過去睇
我唔係地理人，唔明有幾勁，只睇到係三角立方，一場來到，影張相囉
對日落景更有興趣
行程緊湊，下一個場景已到企鵝仔時間。
估唔到展館咁現代化又有設計感
有昨日的數據作參考，我嗰日的企鵝仔玩晏左，成7點至返，吹到頭都甩。
企鵝仔喺沙灘返嚟，要喺中心行棧道去沙灘，行20分鐘左右
沿路有好多企鵝屋，喺沙灘睇完企鵝仔上岸後，記得唔好趕住離開，因為沿住棧道行返中心期間，會見到好多小企鵝返屋企，好得意。
先去沙灘等小企鵝回家，我冬天去，好大風好凍，小企鵝遲左返屋企，我吹足個幾鐘，頭都痛
見到呢位仁兄就知道有幾大風
睇到星星都出來了，我都返歸了
中心內有小企鵝是日報告，亦可scan QR code睇返當日官方拍的影片，睇到小企鵝上岸情況。
成日四圍行，午餐都無食。肚餓了，附近無乜餐廳啱心水，都係自煮啦，今日我操刀，用昨日買的靚蝦，係咪似模似樣？真係幾好食㗎，食材真係最緊要
開支酒係日常
香港食食食 (25)