Foodie 生活雜誌

今日去世博，去之前已經冇乜期望，因為網上劣評如潮，所以去到都冇失望。可能我睇的塲館比較普通，展品好流，播套片。我另一個目標係睇建築，但塲館設計唔突出，最有睇頭得個大根屋，我無耐性排隊，覺得無嘢睇，原本諗住睇埋烟火，結果頂唔住，五點幾就走了，食完晚飯再坐車回酒店都好夜了。

 

第二朝一早食完早餐check out去機場，走的時候落好大雨，行去車站幾呢hea，但仍然感恩行程最後一日至係差的天氣。我有旅行焦慮症，今次可以早好多悠閒地慢慢坐車去機場，冇咗要人哋陪我的壓力，好舒服。

 

後記 : 旅遊同伴可以有好多組合 ： 試過同駕駛員二人行、同太后母女遊、同少爺仔親子遊、同閏蜜嘆世界遊，今次試新嘢 ： 搭單遊。

 

一個臨時決定的旅程，因為想睇兩個展覽，咁啱朋友喺京都，可以搭單。今次係我第一次半獨遊 : 一個人坐飛機、一個人一間房、一個人四圍行。點解係半？因為朋友同一時間喺日本，我哋夾到時間就一齊行動，所以有一齊食下飯，一齊去世博。然後發覺，原來呢個旅行方式好正😍

 

朋友好窩心，來接火車，幫我搞酒店check in，又幫我行去餐廳訂鰻魚飯，當我第一次去日本咁，提點我好多嘢，真係好窩心，一世夠運，受到咁多好友照顧，廢柴就是這樣煉成。幾天的搭單遊完滿結束，非常享受，睇下幾時可以再搭單🥰

 

一早去tullys食早餐，呢間喺寫字樓高層的餐廳，好舒服，但食物唔得，翻熱的，乾爭爭，都係唔好扮型，去番地鋪好了

梅田站見到好多世博裝飾

旅行的目的就係去世博，因為N年前去過上海主辦的，覺得好好睇，好多新奇嘢，所以知道今次日本係主辦國就好興奮，一定要去。諗住十幾年前上海搞都咁正，日本喎，緊係勁好多，充滿期待，點知一開幕的口碑劣評如潮，我買飛及訂參觀場館時已經係耐性的考驗。

入到去覺得場地細

大根屋最有睇頭

居高臨下，可以清楚地睇到每個場館的設計，我喜歡睇建築物，加分

不同塲館，各有特色，但無驚喜

我都好想入場館，但排隊實在太誇張，若要睇哂，真係要分幾日

好多館仲係完全預約制，仲要抽籤，抽到去到都要再排隊

呢個熱門場地

影左當去左

好彩入左呢個熱門館，有未來科技介紹，可以試瞓睡眠艙，但實在太多人，我行個圈，睇左兩段片，叫做參予過

荷蘭館，網上話呢個係好嘢，抽到覺得好幸運，結果係比個發光波你叫做互動下，又係睇套片

人山人海。老實講，帶小朋友來係唔錯的，可以灌輸下環保知識及未來發展的概念，但對於我就無新鮮感，因為好多都睇過，而且網上亦能接觸不同資訊，所以無十幾年前的新奇感

降温設施

所有展館的餐廳都大排長龍

food court 指定席要另外收費，無乜人入，個個坐哂外面

求其食

本來對展館建築設計有期望，點知….

由日本設計師操刀的公共設施及空間，創意不俗，但可能因為環保物料太輕巧，感覺唔實淨，就散就散咁。

全場大獎我會頒比佢，我好想去但抽唔到，朋友抽到入場，但要六點幾至入得，佢放棄左。

最後一晚的晚餐

宵夜

第二朝encore 早餐

提早出發去機場，施施然去火車站，仲未有人到

原來而家大阪機場買手信咁電子化，我真係大鄉里，但好似少咗購物的樂趣

後悔入閘前冇食嘢，結果食咗呢個千五Yen嘅飯團，好肉赤

機上的飛機餐唔難食喎