去過幾次京都，好鍾意，不過次次都係去附近景點，好少喺市區行，幾年前同太后過來匆匆行咗三条一個下午，好鍾意，念念不忘想過來再慢慢行，今次終於有兩日可以全日行街，喺市內四圍兜，想行邊度就行邊度，自由自在。不過今次發覺京都實在太多人，三条四条街道直頭多人過年宵花市，睇到好多當地人寫的指示牌，深深感受到遊客對佢哋帶來的困擾，從世界各地好多熱門旅遊城市一樣，冇辦法。針無兩頭利，以前香港好多遊客的時候都有嫌人多，而家遊客少左，香港人自己都北上，條街靜左，行得舒服左，但又要憂心生計問題了😞
一早去酒店附近的cafe食早餐，朋友仔推介，烘底半熟蛋三文治，入面仲有沙律醬同吞拿魚，簡單但口感豐富，好好食，之後再encore
進入行街mode
小社區內的cafe，好leisure
六月係梅雨天，來京都之前天氣報告話又熱又落雨，感謝上天賜我好天氣，要著外套的陰涼天氣，最啱散步
重點訪店 : 薰玉堂，買夠一年要點的份量了🤣
午餐喺錦市場附近，勁多人，見到就怕
今次的京都遊見到多左呢類提示
喺附近食鰻魚飯，感謝好友幫我訂位
做遊客生意，有圖教你點食，茶杯三角形，靚
鰻魚飯用一個特別嘅釜飯款食器裝住，飯粒晶凝通透，鰻魚厚肉，燒得焦香，好好食，不過店家的飯冇鰻魚汁，要加豉油，我都係喜歡鰻魚汁多啲。
午飯後再散步
新開的忍者博物館
喜歡喺日本買味噌，香港選擇唔多
教堂，入面有人搞婚禮
舊建築活化的請人社區會堂，做緊藝術展
諗住朝聖安藤忠雄京都作品 TIMES’s I&II，可惜已空置，不得內進
好特別的寵物
傳統雜貨店，京都特別多
到鴨川呆坐
白川，上次來的時候好多特色小店，今次已睇唔到
coffee time
行左成日，坐巴士回酒店附近食晚餐
約左朋友仔食串燒，咪睇餐廳細細間，内𥚃有三層，條樓梯差不多90度，我行都怕跌親，見到有個超過八十歲的婆婆爬上去，朋友笑話一定好好食，阿婆爬都要爬上去食🤣
今日總共行左二萬幾步，夠哂皮
晚上要好好休息了，去旅行必備喇叭，而家加埋線香，好relax
香港食食食 (25)