Foodie 生活雜誌

一條友旅行，早出晚歸，揀酒店最緊要地點方便，房間乾淨衞生，細細間都無所謂，呢間啱哂我要求，價錢唔貴，住得過。

房型 : 舒適雙人床房

地點及交通 ：酒店喺九条，喺京都站八条出口行過去步程幾分鐘就到，

附近環境 ： 九条喺東京車站背面，無咁繁忙，好舒服。附近生活機能良好，隔離就係Lawson，行前一個街口已經有商場，行十分鐘左右有AEON mall，日用百貨乜都齊。酒店坐落的街上有好多餐廳，非常方便。

房間設施 : 標準集團酒店設計，房間麻雀雖小，五臟俱全，**基本設備齊全。

服務 : 基本上係機器自助取房及退房，有職員幫忙。

酒店設施 : 房間梳洗用品喺大堂攞，部分小電器或美容儀器可以借用，樓層有熨褲板，一般商務酒店規格。

**基本設備 ：USB插頭，洗漱用品，沐浴用品，風筒，拖鞋，抽紙巾，熱水煲

 

入門口有開放式衣櫃，幾個衣架(忘記影)有全身鏡

一般膠製防震衞浴。忘記影相，喺官網攞

房間細細，但設計簡潔實用，例如喺床鋪靠板上做崁入式床頭燈，燈下係一個凹位放小物，燈制觸手可及，好細心

房間細細仲可以放小枱小梳化

房內有基本茶杯，電熱水壺，雪櫃、風筒。

房間全無景觀。話說我第一次一個人住房，有點驚，我怕太光，唔想開燈瞓，有人教我開窗簾，出面有少少光照入來，無咁驚，但一打開窗簾就係殘念😅

走廊光猛清潔

一般房間用品都可以喺大堂攞，最開心有paper mask 😁

門口有LUUP站，我極有興趣，下次有機會一定要試