最討厭就係早機，9點鐘機，即係五點就要起身，但鬼叫自己貪心？今次半獨自遊，約朋友在目的地等，分開飛、分開住、分開行，大家各有。兩點到機場，搞得來要三點至出閘，剛好趕上JR HARUKA去京都，訂唔到指定席，好彩自由席有位。今次經出trip.com訂JR HARUKA 關西機場特快 乘車券，上網即訂即有，收到ticket number 後，跟住網頁指示登記，清晰易明，用QR code入閘，唔使再好似以前咁去窗口換飛，勁方便。朋友仔好窩心地來接車，帶埋我去酒店，等我唔使周圍揾❤️酒店check in 後自己四圍行下就去食晚餐。今次食左間專門食京野菜漬物的小店，好好食，飯後回酒店就過一日了。
又幫襯香港航空
飛機餐居然係煎釀三寶，幾有新意
前一晚至喺trip.com訂JR HARUKA車票，可以網上訂埋位，跟指示download 個QR code ，去到直接用code入閘就得，非常方便，記住要坐車嗰日先activate個QR code。
世博期間，列車車身已見到宣傳了
醫左肚先。我幾鍾意呢間連鎖店，知道香港有分店，但始終無去過。
四圍行下，都係喜歡行食店，呢個橫町入面有好多小酒館，每間得幾個位，著重店主同客人交流，唔識日文比較難幫襯
晚餐食京野菜，街上的獨立兩層小屋，最喜歡呢類小店。味道都好好
店子小小，坐滿人，好熱鬧。一入門口已經見到一櫃的京野菜漬物，真開心
呢類小店的菜色時時轉換，配搭及食材都有心思
先來飲杯
漬物拼盤，有准山銀魚仔、青瓜豬肉片、西芹魚生片
我最愛的番茄沙律
朋友點都要食熱嘢，點個節瓜炒牛肉，比較油膩，但節瓜好味
鰆魚釜飯，好味，朋友仔話要明日再來食
文章標籤
全站熱搜
香港食食食 (25)