住左好幾間國內的民宿，經驗係內部裝修唔錯，做到渡假氛圍，但四周環境配合唔到，民宿通常喺民居隔離，睇相就靚，去到係另一回事，又唔係好差，但唔好期望太大，就當去大嶼山租一間佈置得靚的渡假屋好了。
房型 : 觀山海 / 不見山 (有露台)
（原本訂伴山海，被升級)
地點及交通 ：睇相以為民宿係江邊的平房，點知原來係私人屋苑內的臨江別墅，估佢唔到。從郴州西站打車過來約一小時。近東江湖景區入口。
附近環境 ： 臨近江邊的私人屋苑，環境幽靜，感覺安全，可以沿江散步，沿路都係民宿，行前少少仲有酒店。附近好靜，步行十零分鐘有小區餐廳，沿江步行二十分鐘左右可達東江湖景區入口，若出市區就要打車，幾分鐘就到。
房間設施 : 基本設備齊全**。民宿開張未夠一年，仍然新淨，房間寬敞，望江景，冷氣充足，幾舒服。入住時仲未打掃好房間，幾個鐘頭回來都仍未做好，見三位阿姐清潔一間房，手腳好慢，但尚算乾淨。阿姐話係第一次做，附近咁多民宿，似乎幾難請人。
餐飲 : 無包餐
服務 : 前台職員友善樂助。我喺網上旅遊平台訂完房已收到民宿職員電話話加我微訊，傳來基本旅遊資料，入住後亦熱心解答問題，介紹景點，幾好
酒店設施 : 民宿地下有大廳，外面有小花園可以坐下賞江，應該幾舒服，不過落雨，無福消受。
**基本設備 ：USB插頭，洗漱用品，沐浴用品，風筒，拖鞋，抽紙巾，瓶裝水，熱水煲
房間 ： 觀山海，落地大玻璃望江景，兩張雙人大床，好舒服
兩張大梳化
地台可沖茶觀景，好舒服
房間提供茶具，自携線香
基本設施，迷思 1 ： 點解電水壺會放厠所？迷思2 ： 用法蘭西L牌沐浴用品，係民宿氹本定用品來貨好平？未解迷思，結果我無用
有小食及樽裝水
房間 : 不見山
有露台，早上睇江上煙霧彌漫，好靚
原本訂的伴山海
民宿外貌，居然係私人住宅單位，前面有一片草地
外望景觀
大堂有兩格大廳，應該係打通左房間
內有電梯
居然有洗衣機乾衣機
國內好多地方都係咁，總係揾到呢啲蝦碌嘢😅
香港食食食 (25)