早上食完早餐，先打車去東江湖民宿check in，再去遊高椅嶺。今日全日落雨，比著以前的我，一定會無心情唔想出去，但而家唔會了，因為無可能日日晴天，只要天氣唔太悪劣都照去，只要有雨褸及水鞋就差好遠。結果去到高椅嶺轉細雨，都可以行下。景區要入塲費，睇丹霞地貌，即係「有陡崖的陸上紅層地貌」，紅層因為落雨睇唔到，陡崖就見識到，因為要行多樓梯級，若遇到好天氣會曬死。入面地方好大，地形特別，係咁二都行左兩個幾鐘，若唔係落雨應該可以行耐啲。行完行回民宿休息一陣，出動去附近晚餐，飯後喺附近行下兜個圈就回酒店休息了。
國內好多連鎖咖啡店，唔係只有瑞幸
去中國不同地方其中一個興趣係試各地不同小食。早餐食biang biang麵，我鍾意食麵，中國有好多款麵，聽講只係峽西省都有144種麵，要試有排試。Biang Biang麵喺香港都食過，但國內食總係風味好d，調味重手d，口感更豐富。夾饃都好味，夠酥鬆，缺點係太易飽，唔食得多。
離開時太大雨，去左呢間義烏小商品超市避雨，朋友話義烏係中國最大的小商品批發市場，淘寶的發源地，入面果然係什麼都有超級市場，朋友仔買咗兩件一次性雨褸，不過好薄，一陣就爛咗。
打車出發，落幾大雨，天要下雨，娘要嫁人，只能接受
來到高椅嶺，國家四A級景區，而家國內好興將景點包起來做，設立旅遊設施，我以前會怪佢商業化，但係而家會諗，如果唔係咁樣鋪橋起路，我又點會行入去呢個山呢？所以針冇兩頭利，係商業化，但起碼我睇到。
群山被湖隔開，要行過吊橋至入到去，園内有兩條吊橋，因為落雨，我只揀一條。
山崖被海水沖刷千萬年後，已變得好光滑。見到山脊似尾龍骨咁突起，幾特別，上面起左棧道行。
模仿英國的巨石陣，大陸硬係要有呢啲
山邊有圍欄，算安全，但發雞盲的我以為係棧道，行左落去😅嚇親團友
摺疊水鞋、雨褸同雨傘已成為旅行必備，正如挪威人所講 ： “Det finnes ikke dårlig vær, bare dårlig klær!” 意思係 ：「沒有壞天氣，只有不適合的衣服。」著左套裝備真係差好遠。
美得令人窒息……國內的宣傳人員係咪比平常人易窒息？
行樓梯上頂，好直的樓梯級
上面有小食亭
好天的話可以玩吊索，應該幾好玩？
山腳有另一條玻璃橋，可以駁去另一邊，唔使行咁辛苦
落雨有落雨的景，有煙霞景
另一邊的風景
再往下行可以到西門，但團友興趣不大，加上落雨，無謂行了
我自己行左落去
睇到都腳軟，當然無行
呢個峽谷讓我想起獨行俠湯叔揸飛機一幕
咪睇少阿姐，係無人機攝影師
晚上去鎮內晚餐，條街無乜人
求其揀間飯店，食當地菜，捆鴨，翹咀魚
晚上返回民宿，我住東江湖旁，原來有燈光表演
房間睇到亮燈，幾靚
請先 登入 以發表留言。