Foodie 生活雜誌

最後兩日的行程都喺東京，就係食食食了。昨日已經去左繁忙的新宿，今日去悠閑的自由之丘行小店，hea行散步後晚餐食生蠔，再來串燒做消夜，夠哂皮返酒店。第二日去附近食早餐，點知轉角遇到櫻(花)，沿住目黑川賞櫻，想起上一年同一團人無預警遇到河津櫻，感謝上天對我哋嘅眷顧🙏🏻回酒店攞行李後就出機場回港了。感恩又完成一個旅程，珍惜每次相聚❤️

早上出門，河邊已見櫻花盛開

自由之丘，雜貨天堂，好多小店及特色餐廳散落車站兩旁，多年前來過，今次好似無咁熱鬧。

午餐時間，好多餐廳都無位，揀左呢間，以為係賣剩蔗，點知行慢一步都差點無位，店內有烤爐烤pizza，好專業，pasta都好食

漫步自由之丘

下午茶時間

再散步

有一個舊商場，入面有小食檔，賣食材的雜貨鋪，有點時光倒流feel，同外面的洋化小店好唔同，幾得意

晚餐食生蠔，食左好多款日本蠔，新鮮但無乜蠔味。反而小食唔錯，開支成人汽水，食得開心

唔夠喉，再喺酒店附近食串燒

第二朝一早啲酒店附近食早餐，問G神揾到呢間cafe，都幾多人幫襯。

原來餐廳幾大，有個bar喺中間

好多新鮮出爐麵包，見都開心，一包包咖啡豆放喺coffee bar，感覺專業

我哋點左幾款食物，食材好，所以點都好食。見熟客們左拼右拼，整左碟靚靚full day breakfast 出來，唔錯

我鍾意四圍貢，原來行出cafe轉個彎已經係櫻花滿開的目黑川，真係擇日不如撞日

最平價的賞櫻餐，喺lawson買嘢食出來坐低就得

好靚喲

訂左車去機場，舒舒服服

東京機場禁區內的food hall 幾似樣，終於可以喺禁區內食餐好

排隊拉麵店，我本身唔多鍾意食拉麵，但次次離開日本都會喺機場食一碗，係無選擇中的選擇，雞白濃湯底，唔錯吖。眨吓眼就完左7日6夜之旅了，下次再會。