房間 ： 薰風/ 金木犀
四万温泉的旅館比較大型，唔係我又心水，結果揀左呢間大浴塲有河景露天風呂的旅館。旅館係中型規模，入面有餐廳、商店、cafe，晚上有表演，適合一家大小。旅館位置距離温泉街要步行十幾分鐘，無shuttle bus ，不過旅館門前有去東京的高速巴士站，好方便。西式附風呂房間普通，房間比想像中細，應該係貸切風呂改裝成的房間，我哋訂兩間房變相要哂全層，幾有私隱。膳食水準普通。
房間薰風。洋式房間，比我想像中細。温泉、洗面枱同衛生間喺另一邊
呢張書枱同間房有點格格不入
衞生間喺入門處，房間內短走廊左邊係睡房，右邊係温泉及洗面枱
温泉幾大，有室外同室內，雖然有河景，但因為房間位置高，完全睇唔到條河，只有山景
露台
有河景，但要企起欄邊至睇到
觀景電梯
兩房好明顯係貸切風呂改裝
一梯兩伙，自成一角
房間金木犀的温泉，細少少。
早晚餐
屬中型旅館，有點年紀
大堂有禮品店，cafe
晚上有表演，我無睇
旅館對面就係高速巴士站直到東京。當中發生一段笑料。話說我訂巴士票的時候，揀左總站上車，又因為總站離旅館要十幾分鐘路程，唔想拖住行李行，問旅館可否代叫的士，問左幾個職員都話無。第二日死心不息再問，早更的職員一臉不解，終於有人話我知原來巴士站就喺對面，難怪佢哋話無車，因為根本唔使坐車。知道真相後大家笑死，笑話旅館職員會覺得我哋幾個阿朱媽係咪有病，個站喺對面都要坐車🫣
請先 登入 以發表留言。