雖然話來宜興係為左住酒店，但又唔可以全日留喺酒店，點都要揾d嘢做下。睇左小紅書好耐，結果揀左窑湖小鎮，又因為酒店送左宜興陶瓷博物館的入場券，順道去埋。個小鎮係宜興新興旅遊點，我會歸類為「復仇者系旅遊點推介」，即係你同人有仇就介紹佢去，因為景點根本未完工，好多商鋪都未租出，佈置庸俗，原本話晚上有煙花燈光睇，但我留左兩個鐘都嫌多。結果晚餐喺附近食店解決後就回酒店了。
早上hea 住食完早餐至出發
酒店送的博物館入場券
宜興陶瓷博物館
內裡有好多展館，呢個只展示茶具
我睇中呢幾個
展示設計幾有心思
展館好大，有幾幢
除左傳統的陶瓷，亦有現代設計，展館的設計都有唔同感覺
展館外有陶藝師開設的工作室，售賣自家手作
西瓜型茶具好可愛，影左當買左
仲有體驗工作室
往下一站
窑湖小鎮，停車場有幾千個車位，規模好大，諗住一定好勁
坐小火車入去小鎮，介紹話有經過竹林，但原來要轉車，再比錢，我見到個地方唔對路，無再坐
小鎮佔地好大，而家國內好多景點由私人集團包起發展，好似呢個咁，將舊村翻新，入面起埋酒店，好似我上次去象窩山咁，但呢個真係唔得。
落車時偷聽到人哋旅行團話有噴泉表演，咁我哋又跟埋去睇
睇完入鎮行下，但真係無嘢好睇，諗住食嘢，點知我行嗰忽cafe都無間。可能過左飯市，好多餐廳無開，開的又無興趣，結果求其食碗雲吞填飽肚就算。
食完又行，小鎮的裝飾好庸俗，我連舉機影相的興趣都無，雖然話夜晚有煙火表演，但實在無可能捱到，早走早著
離開後沿路揾食，可能係景區內，沿途的飯店招牌都係統一式樣，感覺好整齊
見到餐廳個名好得意，又試下
地方小菜，普普通通
晚上喺酒店內的茶室傾偈食生果，好舒服。酒店的住客好斯文，有位男士原本獨自睇緊片，見到我哋入來即時關上聲音，好有禮貌👍🏻
請先 登入 以發表留言。