房間 ： 雲松庵和室/ 雲松庵和洋室
草津無乜心水温泉旅館，好似間間都好細間，又舊又迫迫夾咁，睇左好耐，見到呢間翻新左，價錢又合理，即管搏下。
旅館位置距離湯畑步程幾分鐘，好方便。旅館唔只有翻新，仲係喺舊有的建築物後加建一幢，我住新翼，似入住新旅館。新大樓透光度高，房間新淨，好舒服。洋和室出奇地寛敞，一家大細住都無問題。其餘設施一般，大浴場亦無乜特式，早晚餐都普通，不過喺草津算係咁，若訂到露天風呂房間更好。
先入雲松庵和室
房間新淨光猛，一般和室房間，一眼見哂。
落地大窗，雖然係樓景，都好開陽，旁邊有小pantry，有洗手盤
房間有浴室
呢間和室唔知用來做乜？我用來放行李
另一間和洋室，有床。我訂的時候睇網站相片，以為只有洋室一間，因為房間有埋衛浴。點知原來旅館好均真，和洋室真係和室加洋室，即係實際面積係呢間房加埋隔離間房的合拼，所以房間的另一部份我唔post，你喺個腦直接將之前幾張相貼落去就得，房間好大，總共有兩個衛浴，住四個人都無問題。而二人的價錢同和室差幾百港銀，好抵
旅館喺商店街的小山坡上，旺中帶靜
酒店入口
左手邊係原本大樓，右手邊的長方盒係加建的新幢
内部翻新左，好新淨
自家泉水
大堂休息間
禮品店
浴衣部
牆身有浮雕裝飾
新大樓，中空走廊，高樓底，好有空間感，完全無想過，幾有驚喜
温泉喺二樓
我住的房間外有個茶室
可以睇下書，飲咖啡
個室晚餐
温泉旅館的晚餐間間差不多，已經無乜期望
早餐喺另一餐廳，地方靚得多
請先 登入 以發表留言。