房型 : 里巷 / 連升
國內的酒店無論軟件同硬件都愈來愈高質，我尤其喜歡入住精品酒店，每間都有自家品味氛圍，而且服務細心體貼，選一間自己喜歡的style入住，感覺非常良好。好似今次呢間，我純粹睇中佢用Le Labo 洗護用品，相信若酒店對細節都有要求，整體都唔會差得去邊。果然，今次的入住經驗好滿意。
地點及交通 ：酒店位處市中心的潮宗古街內，旁邊就係地鐵站，極方便，步行至五一廣場只需二十分鐘左右。
附近環境 ：酒店喺古街內，好多餐廳及小店，乜都有，商店都開得幾夜。
房間設施 : 房間唔算大，裝修高雅骨子，帶點點懷舊感。衞浴乾濕分離，房間的電子馬桶，dyson 風筒，生果、飲品、床頭USB插頭，拖鞋，已經係基本配備。加分位係有蒸氣熨斗，LE LABO洗護用品，仲有空氣清新機同暖風機。
餐飲 : 用餐區分餐廳、偏廳及天台酒吧，餐廳氣氛温馨舒適，酒吧好蕉，但太凍，只影相。今次買的套餐包早餐、下午茶及宵夜，住左三日，餐品每日不同，管家提前一日會微訊翌日的餐單，食物好味😋
服務 : 簡直無得彈👍🏻細心熱心體貼殷勤好笑容，住宿三晚，賓至如歸。
酒店設施 : 無乜設施，只有個好細的健身房，亮點係免費洗衫。今次套餐提供每日有半小時旅拍，以前覺得旅拍好無謂，今次玩完又覺得幾好喎，有人幫你影相，影團體相就最方便。
我住的房間「里巷」，雙床房，房間面積40平方米，唔算細但又唔係大。雖然有小枱及梳化，但因為無乜空間，得物無所用，只係用來放下雜物。
門口有全身鏡，入門後轉彎就係洗面枱，枱面夠大，所有洗護用具齊全，毛巾乾淨
衞浴分離，浴室旁係掛衣架
有浴袍，仲有個酒店品牌的小布袋，內有紙巾、面膜、耳塞，幾欣賞包紙巾的size，比平時的細包，好收藏。
雪櫃有汽水、啤酒及有氣礦泉水，掛耳包咖啡，又有法蘭西水，再加聲稱的山泉水比你沖茶，提高檔次
另一間房型 ：連升。酒店upgrade左間大一點的大床房比團友。基本配置同另一個房間差不多，火爐裝飾增加温暖感，多左廿平方米剛好放下小桌及櫈，晚上食宵夜啱哂。
餐廳分兩邊，一邊係餐廳，另一邊係客廳，兩邊都可以用餐
天台酒吧幾有氣氛，可惜太凍，用不著
早餐，不同的小菜，好精緻。另點小米粥或湯麵，咖啡、豆漿、鮮榨果汁任點，青瓜雪梨汁好飲👍🏻所有食物飲品可無限添加
早餐另有生果枱，但已無時間食
下午茶，蛋糕好可愛，飲品可選果茶或果汁雜飲
宵夜有糖水、湯、粥、生果及小食，因為外面的晚餐太油膩，反而消夜更合我口味
仲可以外帶咖啡，膠袋都係自家設計
開業時因為太多人入酒店影相，結果改為僅對住客開放
內部裝修帶點當代藝術風
健身室及洗衣房，聊勝於無。酒店包洗衣服務，都係喺呢度晾乾
房間床邊有個扭計骰，扭到六面就有飲品送，咁啱團友係高手，每日有茶飲
而家好先進，大部份物件都由機械人送到
請先 登入 以發表留言。