完成兩天主題樂園式温泉旅館遊，今日約左包車師傅阿仔來接我地回東京。見天氣好，睇到人地面書的相片，見河津櫻盛放，櫻花可遇不可求，既然上天預備左比我，卻之不恭，即時改行程驅車前往。
觀賞大自然風景好講運氣，我成日覺得係上天的賞賜，所以每次都懷住感恩的心去欣賞。好似今次，天氣仍冷冷的，無想過櫻花居然早開。幾個女人開開心心沿住河岸兩邊影影影，不知不覺午飯時間都過去，想食鰻魚飯，但餐廳都午休了。最後向G神求籤，帶左我去小漁村旁的小店食魚生飯，食完再坐差不多三小時車回東京，途中三位阿朱媽聽阿仔傾訴愛情煩惱，落車時大家語重心長的叫阿仔飛左條女😆
回到之前住的酒店就出去晚飯，飯後回酒店休息了。
今日又見富士，真開心
期間限定蒙面超人咖啡………杯。便利店咖啡居然由100yen 漲價至160yen😱
沿途已見櫻花盛放
有名的河津櫻，嚟到至記起原來好多年前來過
呢張係poster
我照影，有無一成似？😁😁
個個都會喺紅橋上留影
玩到月亮都出來了
櫻花與海岸
誤打誤撞來到漁人碼頭
當然休息了
好彩呢間仲開
小小的店，似一家人經營
鯛魚當造，當然要食，魚生片柔軟新鮮，呢種柔軟度香港真係食唔到
魚生飯套餐
魚湯鮮甜
魚生飯，多款生魚片，款款新鮮
來到熱海，我從來未嚟過，沿路見到一整個山頭都係旅館及酒店，未見過咁熱鬧的温泉鄉！今次來到至明白我唔揀呢度係啱的
請先 登入 以發表留言。