Foodie 生活雜誌

2/2022 光顧

去完大帽山賞霧，落山腳食印度菜。記得之前去林村時，賣寶碟的嬸嬸介紹我來食，佢話芒果奶昔同cheese cake好食，等我仲以為係西餐廳，原來係印度菜。餐廳好旺塲，食客大部份係印巴藉人，價錢實惠，味道唔錯，難怪咁多人幫襯，除左堂食滿座，仲有好多人買外賣。我好小食印度菜，因為對咖哩興趣一般，不過呢度的食物味道唔算特別濃烈，偶一為之係可以的。

 

炸雞翼 用香料醃製，帶點辣，好味

雞肉咖哩角 造型似荷包，入面係少少蔬菜加咖喱雞肉碎，味道香。外皮鬆脆但較厚，我覺得麻麻

炸茄子 切薄片沾咖哩醬炸，juicy 香口

濃汁羊肉 一塲來到，梗係想試下咖喱，點知侍應堅持要我試呢個濃汁羊肉，唔肯改單，好搞笑。食落又真係幾好味，濃汁係番茄蔬菜，微辣，羊肉炆得好稔，用mutton ，味道較羶，配Naan蘸來食，好正

芝士薄餅 呢個就係嬸嬸口中的’cheese cake’😆 Naan烤得微焦，帶點油份，唔會乾梗梗，薄餅有點厚度但咬落柔軟，加入我最愛的芝士，齋食都好正，嬸嬸無介紹錯👍🏻

芒果乳酪 即係嬸嬸口中的「芒果奶昔」，用鮮芒果做，似溶左的芒果雪糕，好濃厚，我一向唔喜歡呢類飲品，但好此道的朋友覺得唔錯

可愛餐巾

每樣食材都有多款煮法，好多選擇

餐廳喺林村附近巴士站，除左印巴藉客人，仲有好多行山客幫襯，假日坐到出門口。

唔使一定要揸車，有巴士直達