8/2021光顧
口啤不俗的西班牙餐廳，以食Tapas 為主，多款tapas 選擇，每款細細碟，價錢合理，無負擔地任點，加埋飲品，食完都唔肉赤。餐廳氣氛好，食材多樣化，食物味道好，侍應友善，唯一缺點又係限時兩個鐘，不過當日餐廳無滿坐，我早左到都比入，可以坐耐點。
iberico 火腿 油香juicy
當日推介的饀餅，似隻大餃子，饀料係海鮮，饀餅上有幾點沙律醬伴食，饀餅炸得乾身，皮薄饀料飽滿，細細件，啱送酒
iberico ham 炸丸子及魷魚炸丸子，影得大件，其實一口一件，好香口
香炒padron peppers， 呢隻西班牙小椒好好味，青椒味濃，食落帶點甘，加少少海鹽調味已經好正，食完忍唔住點多碟。
蒜片炒大蝦 呢款tapas 基本上係tapas餐牌必有，熱辣辣地用鐵pan上，蒜香味更突出，蝦肉肥美，用麵包沾汁同食，名乎其實汁都撈埋。
生蠔topping 係cherry gazpacho 做成的砂冰，口感有趣，櫻桃凍湯味道清新
墨魚汁西班牙飯 海鮮的鮮味及厚煙肉的油香沁入飯中，好味
烤八爪魚，下面墊左薯蓉，nice
牛骨髓配和牛tartar 牛骨髓油好香，撈埋調好味的牛肉他他，牛肉切幼粒，香滑得來有質感，good👍🏻
烤羊 初初以為係grill lamb chop咁，上枱至知係大漠烤羊feel，肉質juicy但烤得有點乾，配上西班牙傳統醬料romesco及大蒜蛋黃醬，美味醬汁補回肉的缺失。
三文魚bikini 又係tapas 必點，薄薄的麵包烤得香口，夾住三文魚、黑松露醬及sour cream ，味道豐富有層次。
油浸吞拿魚腩配番茄牛油果沙律，賣相好靚
甜品黑朱古力，棒子雪糕，加橄欖油及海鹽，覺得配搭好有趣，但食落無乜特別。
餐廳喺西港城對面的街角地鋪，幾大間，氣氛熱鬧
室內樓底高
open kitchen睇到廚師們手腳利落地處理菜式，好夠火路
酒吧一角
香港食食食 (25)