Foodie 生活雜誌

近來無去行山，一來遠，二來唔敢一個人行，但若約人行，要就來就去又煩，諗諗吓，喺市區搵地方散步算了，整番個#陳食食市區散步系列先。頭炮係由荃灣行入汀九(頭炮，講到好勁咁，希望會有第二炮)，由荃灣海濱公園出發，沿住海邊行，而家海濱開左單車徑，又有隻癲噹公仔做裝飾，整條路佈置得幾靚㗎，單車徑只去到麗城，之後就要行馬路旁的行人路，可能另一邊係海，感覺廣濶，都行得幾舒服，行到汀九坐車出番荃灣食嘢，全程個零鐘，啱我。不過我係上個月行的，而家咁熱，我都係入番沾房涼住冷氣行跑步機好了。

 

海旁的單車徑，新束束，幾靚㗎

單車停泊站，d位設計過，簡約有型，同以前銀色的好唔同

新界單車徑網絡，聽講呢條會駁到屯門，但去到麗城就停，莫非之後係踩馬路都算？

過左海之戀就開始見到癲噹

咪以為只得個公仔，仲有好多用途，例如係一個飲品架

多款棋盤，原來呢個係活動棋盤，可以推來推去，個石壆似路軌，我見有小朋友坐上去，爸爸推住，似小車仔，幾有趣

記得自己帶棋

擰公仔，小朋友玩意

當然唔少得好多影相位

丹麥有的美人魚，我地荃灣都有美貓魚，同丹麥的一樣，都係把鬼景點🤣🤣

單車徑盡頭

開始行人路步道

原來荃灣碼頭至深井真係一條步道，有個牌計算路程，下次我試下行足全程先。

汀九以前有好多泳會，當日都見到好多長者游水

泳灘個網用來隔垃圾？

靚景住宅

行到我心目中的終點帝景酒店，原本想入去食嘢，但只得中菜，唔啱食，唯有坐車出荃灣食了。