旅館只有11間客房，全部在獨幢小屋內，分佈於旅館竹林四周，環境幽靜，每間房的面積及設計都不同，所有房間都附設風呂。房間為傳統日式風格，高雅大器，亮點係屋內的品味小家電、慷慨的飲品提供及貼心的房間設計，舒適自在。入住過後，覺得室雅何需大，適量地加入精緻的小家電及家品，會令生活更添樂趣。
資訊 :
山荘 竹ふえ (一泊兩食)
地址 : 熊本県阿蘇郡南小国町満願寺5725-1
電話 : 0570-064-559 (用此號碼鍵入GPS未能找到目的地，我最後用google，結果遇到封路，緊張左一陣)
今次入住的房間係全旅館面積最小的房間之一。所以同一屋簷下有兩間客房，我住左邊的一間，我入住的房間 ： 竹霧。位置就竹林之湯及接待處附近，十分方便。旅館服務點心，每一組客人由一位管家專職負責服務，為我股務的管家英語欠佳，但笑容可掬，十分盡責
一進門係圍爐裏客廳連雪櫃pantry ，亦係房間用餐處，不過我唔多喜歡食物的氣味留在房內，所以都係去餐廳食。客廳牆邊好多設備，天寒地凍，房內已調節好適中的温度，有地暖，若有需要，一排白色電制可自行調節房間温度。仲有枱上的製梳打水機，牆角櫃內的茶具，有排玩
Welcome food 有好好味的年輪蛋糕，麥味香又柔軟，濕度剛好，平時我對年輪蛋糕無興趣，呢個自家製的真係好出色，離開時仲送我一整條，真滿足。裝綠茶的杯亦好厲害，金屬做的杯內裝熱茶，杯身完全唔熱，但內裡的茶熱仍然熱騰騰，好神奇。竹筒內放住黑色今治熱毛巾，細節一絲不苟，我非常欣賞
pantry 上有我喜愛的BALMUDA 電水壺，最近終於出左香港版，係好靚，但今次實際用完後，發覺唔多啱用，因為我唔會沖咖啡，可以慳番。另有石磨用來磨咖啡豆，好有趣，不過真係要好有閒情至做到，住温泉旅館通常都幾忙，忙食飯，忙浸温泉，好少可以坐低慢慢搞，最後我當然只係用旁邊的咖啡機。另有ipad操作的音響，入面已預備好多首柔和音樂，好relax
咖啡用品一應俱全，好喜歡個金色兔仔木盒，可以買走，但我最後成功地壓抑左自己的一時衝動
一開雪櫃就儍了眼，飲品提供非常慷慨，款色多，數量多，雖然話羊毛出在羊身上，但就算飲唔哂，見到都開心
呢個梳打水機好過癮，只要注入普通食水，開制加氣就變成soda water，真係未用過
歡迎棧
起居室，窗外一片竹林，有如風景畫
房間清雅高貴
土座設計morden
有精油機，晚飯後會為房間點上預先選好的精油。旁邊可愛的木公仔係電筒
水壺水杯都喜歡
衣櫃，另外右手邊門通往浴室及風呂
衣櫥內的及膝棉襖又輕又暖，似放左張棉被上身，我內裡只著一件heatech 加浴衣，室外零度都頂得住，勁!
用dyson風筒，潮流興dyson，不過我試過風筒同吸塵機都無興趣，反而商場的水龍頭連乾手機就幾有意思
浴室提供L'Occitane洗護及護膚用品，另有愛馬士套裝做小禮物，人生的第一次與愛馬士接觸
從洗面更衣室往外走，通過走廊往風呂，呢段開始無暖氣
個室風呂
有起座間
可以欣賞窗外竹林，好有禪意，第二朝更變成雪景，心醉
風呂旁已準備好另一盤冰鎮飲品，窩心
浸完温泉好好睡一覺，被褥舒適。
仲放入暖袋為你暖腳，細心到一個點
明日天氣預報，另有夜間專用電話熱線，感覺安心
香港食食食 (25)